في كل بيت حكمه
الشاعر :- مطلق الثبيتي (( رحمة الله عليه))
(في كل بيت حكمه) نطوي مع الأيام عـام ٍ ورا عـام وتمر ساعات الفـرح فـي دقايق —— ً— —— أيام راحت بالعمر مثـل الأحـلام يوم ٍ بهـا زعـلان وأيـام رايـق —— —— —— درست من دنياي وأتعبت الأقـدام وبدلت عن بعض الطرايق طرايـق —— — —— وكفخت بأفكاري كما الطير لاحام وماعاقني عن ماكـر العـز عايـق —— —— —— ياصاحبي خذني معك سيف وحزام وياك في وقت الرخـا والضوايـق —— — —— وترى البشر ياخوك منقسمه أقسام بين الردى والطيب شفت الحقايـق —— — —— لقيت من صلى وزكى ومن صـام ولقيت منهو لأقرب النـاس بايـق —— —— —— ولقيت من قلبه حقـود ٍ ونمـام ولقيت من قلبـه يعـز الرفايـق ————— ولقيت من يبني الأمل فوق الأوهام واللي يموت ولايعـرف العوايـق —————— ولقيت من يملك بساتيـن وأنعـام واللي من الحاجه ينـام متضايـق ———-— الله خلق هالخلق سـاده وخـدام ذي دبـرة الرحمـن رب الخلايـق ————— وآخرك يابن آدم ترى قطعة الخـام أمـر ٍ أكيـد ومايبيلـه وثايـق —————— يالله عسى ماكون قطاع الأرحـام وعساي من عقب القبر في حدايـق ————— جاك الكلام وخذ معه بصمة إبهـام إن العمـر كلـه مجـرد دقايق |
رد: في كل بيت حكمه
لك الشكر على جهودك
|
رد: في كل بيت حكمه
فعلا حكم رحم الله الشاعر
ووفقك الله ابا سعد |
رد: في كل بيت حكمه
بارك الله فيك ابو سعد وحفظك الله
ورحم الله الشاعر مطلق الثبيتي ًولك تحياتي |
رد: في كل بيت حكمه
شكرآ لك يابو سعد على هذه القصيده
ورحم الله الشاعر مطلق الثبيتي |
رد: في كل بيت حكمه
شكراً لك اخي ابو سعد على هذه المشاركه
وفقك الله . ورحم الله الشاعر مطلق الثبيتي |
الساعة الآن 03:47 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية