وين الصديق اللي على الشف والكيف ! ! !
وين الصديق اللي على الشف والكيف = اللي ليا شفته جروحي براها . في ساعة الشدات بايدي كما السيف = كل الهموم اللي بقلبي جلاها . رفقته لي عزْ ومهابة ْ وتشريف = والنفس في قربه يجيها غناها . ياحيف من بعض الرجاجيل ياحيف = اللي على حكم المصالح ولاها . لاصار مستغني يجيب التصاريف = ويصد عنك ويبتعد ويتلاهى . ماعنده استعداد يلحقه تكليف = حتى لو اصحابه تسايل دماها . ولاصار يبغى منك خدمة وتسليف = تنقط لسانه عسل من حلاها . ويجيك باغلى المدح واحلى السواليف = ويصيّـرك نجم رقى في عُـلاها . واذا قضى حاجته ولـّـى ولاشيف = ياليش يرجع بعد ماهوقضاها؟! . هاذاك مثل البارق اللي برق صيف = سحايبه شحت علينا بماها . مكتـّـفٍ عن طيب الافعال تكتيف = نفسه خبيثة موتها هو دواها . لاصار ماينفع رفيق ولاضيف = يالعنبو رفقته واللي شراها ! |
يامرحبا مليون يا علي
شاعر متألق وقصيدتك تدل على ذلك صح لسانك ملاااين ودام ابداعك وتمييزك تقبل خالص التحية والتقدير |
.
مكتـّـفٍ عن طيب الافعال تكتيف = نفسه خبيثة موتها هو دواها . لاصار ماينفع رفيق ولاضيف = يالعنبو رفقته واللي شراها اشهد با الله انك صادق 0 لاعدمناااااااااااااااااااااااااااااااك |
هاذاك مثل البارق اللي برق صيف = سحايبه شحت علينا بماها
صح لسانك وبيض الله وجهك أخي راجي الوصل تحياتي واحترامي تقبل مروري ولاهنت يالغالي |
راجي الوصل
ارحب تراحيب المطر بين اهلك واخوانك وصح لسانك يانسل الازدا لكرام تحياتي |
اقتباس:
اخي راجي وصل بيض الله وجهك على هذه الرائعه التي كل بيت منها اجمل من الأخر ونسأل الله ان يكفينا مثل هؤلاء اخوك بن حمدان |
في ساعة الشدات بايدي كما السيف = كل الهموم اللي بقلبي جلاها
صح لسانك وسلمت اناملك تحيتي لك سعد ال عدول |
بيض
الله وجيهكم ياشمران على كل ما سطر هنا |
ياحيف من بعض الرجاجيل ياحيف = اللي على حكم المصالح ولاها
صح لسانك وبيض الله وجهك وكأنك قريت ما بخاطري |
الساعة الآن 06:35 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية