قال هادي الرزقي
 

ياجار كانك طعتنـي برقـع الطيـر
طيرك وحش واقلوبنـا مستميتـه


لولاي رجلٍ من رجال بهـم خيـر
ماصد واغض النظر مـن بخيتـه

ياجار طيرك كل ماعرّض اعصيـر
مـدري علامـه يلتفـت مادعيتـه

يمر كنّـه شـارد الصيـد لاذيـر
لابوه لابـو حـي حيّـه ، وميتـه

اغير,وانذر ، وانذر القوم ، واغير
وابيع روحـي ، وانهـزم لابغيتـه

يردّنـي ياجـار طبـعٍ لنـا غيـر
الجـار مانـدرج الغـرات بيـتـه

يبقا على حشمه ، وشيمه ، وتقدير
ويـروح عنّـي بالـردا ماقفيتـه

من خوف شيِ مابعد صار ، ويصير
يامّا هدمـت البيـت ، والاّ بنيتـه

بعدٍ عـن الهيّـن معـزّه وتوقيـر
ورجمٍ على غيـر النقـا مابديتـه

يحدنـي يـم الخطـا دون تبريـر
الـي بلانـي بالهـوى ، مابليتـه

وانا بشر منـي خطايـا وتقصيـر
الله يغفـر كـل ذنــبٍ جنيـتـه

رد: قال هادي الرزقي
 

صح لسان قايلها

وتسلم اخي الحمدان

شـكــ وبارك الله فيك ـــرا لك ... لك مني أجمل تحية .

رد: قال هادي الرزقي
 

أخي شيهان شمران
اشكر لك مرورك الجميل وبارك الله فيك

رد: قال هادي الرزقي
 

يعطيك العافيه
وصح لسان قايلها وتسلم يمين ناقلها
ابيات اكثر من رائعه راقت لي
بانتظار جديدك بشوق
تحياتي
اسيرة الاحزان

رد: قال هادي الرزقي
 

رد: قال هادي الرزقي
 

أخي أبو تركي
اشكر لك مرورك الجميل
وبارك الله فيك