منتديات قبائل شمران الرسمية - ياهاجسي شمر سواعيدك وقم

ياهاجسي شمر سواعيدك وقم
أنا علي من المواقف لزايـــــم

أكبر من التفكير وأدهى من الغم
لا صارت فعولك هباب وقسايم

و من عمنا خيرهنعده لنا عم
و اليا صفا وقتك فـ لاهوب دايم

ولياضيفتوا فاورد ع صافي الجم
ادحم ب جنبك ياقوي العزايم

و عن دلة الارفل تنز وقل اكرم
لا بارك الله في دلال الجلايم

و الشور صيده والرجاجيل مغنم
ان كان لك حظوه ولك حظ قايم

و لا تجي في محفلٍ قبل تعزم
ومن جاء بلا داعي يشوف النقايم

وإن شفت مايجرحك في مجلس قم
مرواحك أجمل من مجالس هلايم

ي حبني حبّاه لمنـثــّر الدم
و إكرام من يستاهلون ( الكرايم )

تغابنو العربان في الحال والضم
وفي البندق الزينه وفأم الزمايم

و أحذر ليا سليت سيفك ( تندم )
مايقصر الاشبارغير الندايم

و اجعل مراتب خطوتك طلع سلم
ي نازل السلم فلا لك سلايم

و اليا دعاك اللي تحبه فقل تم
مزاور الغاليين هبة نسايم

و جنب عن الغيبات و الذم والنم
أخس ناس ( منقلين النمايم )

وإن شفت في نفسك شفاحة هوى صم
النفس ماتشفحك لا صرت صايم

ومن يتبع الحرمات لابد يحرم
تر ماورى الحرمات غير الحرايم

ويامطاوع الخفرات تؤكل وتهضم
و تغدي فريسه للجزوع المهايم

واليا بغيت البنت فانشد عن الأم
الخال خالي والعمام العمايم

وترى النسب ريحانة قدرها الشم
ومايأكل الريحان غير البهايم

وعن ما جهلته قولك الله واعلم
أفضل و لا مبنى يجيله هدايم

ورفيقك إليا شفت منه أذى شُم
جـنــّـبه حتى أنها تبين الوسايم

أفطن من أللي كنهم شوك معــّـقم
صرايمٍ عكس السيوف الصرايم

و إليا بليت تحمــد الله و تنعم
الشاكرين أولي النعم و النعايم

وإن كان ما قسمك من الشاة مقدم
جوعك شبع ولا صغار القسايم

ومن كثر الصدقان لابد يغــّـرم
تر كثرة الصدقان ساس الوزايم

صدقان للضحكة وصدقان للهم
وصدقان لا جاب الزمان الطمايم

فإذا عرفت الراس والعين والفم
فمالك ومال جنوبها والقوايم

و أوزن كلامك قبل يظهر وتبلم
هرّجك يورّدك الضرم والضرايم

كم واحد من منطقه يشرب السم
مصطح وهروجه هروج السقايم

ولاتشكـّـا للعرب وأنت تعلم
إن التشكــّي هزّمةً من هزايم

ما يرخص الرجال غير التهمهم
وإضرب مثل ( مايشتكون الصتايم )

ومن عوّد الحـُرّمه على حاضر وسم
بكره تبيعه بيع ( لا سام سايم )

إن نوّمتك فقـــوم وإن نامت فنم
و قارن جداد امورها ب القدايم

علي بن حمري