هيجنة شاعر
الشعر عندي مجرد هيجنة عـــــابر
ماهو بزوده على شان اتظاهر بـه من حق هالشعر لو طاول بي وكــابر أشرف الشعر ماشرفني اظهر بــــه قبلي فضا الشعر / قفر / جرهد/ غابر جيت وزرعت السنا والعشب في دربه اتعب واناضل واجاهد فيه واثابــر يوم ان غيري تبختر بـه وتاجر به ورثت مجده شقا من كابر لكــابــر همي فقط كيف اخلي الارض تزهربه واليوم ، لاسور . لا ضبّه ولا عابـــر معجون وجهه بملح الطين والغربـه مصيري اكبر عن اسمه واقطع الدابر وارتد عما تبقى منه واكفر بــه لاعاد تستمطره يا عشبي الصابــــر وش لك بدرب يزود غربتك غربــــه الشعر لو له مهابه مااهمله (جابر) ولا زهد فيه (ابوسامي) وعذّرب به هذا هو الشعر ،قبلي جرهد غابــــر ايلين جيت وزرعت الشمس في دربه |
رد: هيجنة شاعر
ورثت مجده شقا من كابرلكــابــر
همي فقط . كيف اخلي الارض تزهربه صح لسان ابو عبد العزيز شاعر لم يأخذ حقه لاهنت يابو محمد بارك الله فيك |
رد: هيجنة شاعر
صح لســــان ابوعبدالعزيز
قصيده مليـــئه بالشموخ اشكرك يابومحمد عالطرح |
رد: هيجنة شاعر
صح لسان الشاعر سعد بن زهير
وشكرا لك اخي عايض ين محمد على طرحها لا هنت |
رد: هيجنة شاعر
مما راق علي
صح لسان قايلها ويسلم بدن ناقلها |
رد: هيجنة شاعر
أهلا بأبو عبدالعزيز
ورقم القسوة التي تداخلت في بعض الأبيات إلا أننا أمام رجل يعشق الأدب والشعر ويستحق من الجميع الحب والتقدير |
الساعة الآن 09:10 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية