منتديات قبائل شمران الرسمية

بما انها اول مشاركة لي أحب اهديكم هذي القصيدة الفكاهية للشاعر / عبدالله غريب الحبابي

الصدفة الي جمعتني فيك عصريه=بدبي بالمؤتمر ماني بناسيها
واقف مع الدكتور واتفلسف شويه=حبيت أعرفه إني من دواهيها
أثرت إعجابه وقال لي خوش خلفيه=بالعولمه ممتاز وتعرف مافيها
رديت كلي ثقه واقوله إيّه=خطير بالعولمه واعرف مناحيها
و فجأه لفتنا فتاة تقول حوريه=من شافها الدكتور وهو رايح فيها
كشر بنابه تقل خمته جنيه=ومن مدت تصافحه متمسك فيها
وانا بعد من نظرتها والبلا فيه=والي وطا الدكتور النفس واطيها
لكن عزيز ووقفاتي رجوليه=ولو تضعف النفس أقويها أقويها
وقفت اناظرها بنظرات عاديه=وارقب متى الدكتور بيهد اياديها
واقول ليته يعرفني على ذيه=وفعلا فعل ومديت ايدي بحييها
قالت انا اسفه مامد ايديه=الا لناس تراني واثقه فيها
قلت الحقيقه معاكي حق يابنيه = شوف العرب ماينعرف وش خوافيها
وفي خاطري اقول الدكتور من زيه = ماسك ايديها ويضحكها ويلويها
وانا محرم علي لمسات عفويه = واقول في خاطري هين برويها
لازم اجيها بطريقه دبلوماسيه=بعدة لغات أكلمها واحاكيها
قلت ابتدي بلحروف الانجليزيه=يمكنها ماتعرف اخلف هقاويها
ثم قلت انا في هدوءٍ هاي ياتياه=ردت ايام فاين والثنكس تاليها
عرفت انها تهرج وهرجها ذيه=مثل البريطان حمرٍ علابيها
قلت أدرك الوضع واهرج بالفرنسيه=أكيد ماتفتهمها لعن ابا بيها
ثم قلت انا بنسوار كمن في شيريه=ردت سببين ميغسي انت توحيها
من ردها تقول كنها شنزليزيه=متربية في وسطها وتسكن حواريها
ثم قلت مالي يا كود أخوان ماريه=سبانيول لهجه غريبه في معانيها
مليغرو موج ديفلو سيه=ردت توموتشو قراتس لك اغنيها
انا اشهد انها مصيبه ذا السنافيه=لازم بحبكة ذكا فيها اسويها
ثم قلت باجيب من الكاتشيو ودوريه=كلمات تنقال ديل بيرو يطريها
اتاني اخ السانتري يا العيه=ردت كوزديفو خلق باريها
ثم قلت الماني وبوشات غربيه=الهرجه الي كثير جاهل فيها
ثم قلت فولان اشليبش بالنيه=ردت أشوفين ناشون نشت اعنيها
من بعدها هرج الاردو يالغناويه=من جامعات الكراتشي معترف فيها
ثم قلت توم بهوتو اتشاهيه هي هيه=ردت موتشو معلوم بيش أجاريها
قلت اغير اللهجه ايرانيه = لغات فارس تراني حيل هاويها
ثم قلت خيلي قشنجي ميه الميه = ردت بدوستا ذرام لك بس اهديها
جلست متعجب وافرك يديه = وأقول ياهي مصيبه مبتلش فيها
ثم قلت بسأل سؤال فيه جديه = برنامجس باللغه من وين محصيها
ومن أي معهد ومن أيّاة كليه = وشلون انتي تعرفين بلغاويها
قالت أنا محاضره بلغات دوليه = يعني أنا أرجوك نفسك لا تشقيها
ثم فاجئتني بسؤالٍ فيه رديه = من وين لك لعبة الاتقان راويها
حكيك منمق وأساليبك فكاهيه = مثقفٍ تاخذ الحجه وتعطيها
من أنت وضح بطاقتكم وقل ليه = وعطني الاسامي وعني لا تخبيها
قلت ابشري والحكي فنجال بريه = دوك البطاقه خوذيها كان تبغيها
معاك عبدالله والعزوه حبابيه = هادي غريب وأنا العله أداويها
من لابةٍ كفو لا منه حصل هيه = فرسان يوم الوغا تعرف بأساميها
أهل المشوك وسيف وحد جنبيه = واضرب بها اللي تجلا في مواريها
قالت هاه وش فيك زادتك الحماسيه = وجبت الجماعه من أقصاها لدانيها
وين الثقافه غدت لهجتك بدويه = صحيح من له طبيعه ما يخليها
قلت الحقيقه تراني والله حميه = من دون ربعي أبيع الروح ماشريها
قالت ياي ياسلوبك مقنع وازدواجيه = خششتني جو قفلني دوانيها
أذكى من الياس وابداع ابن تيميه = حس ابن زيدون فاهم في حواشيها
قلت الثقل والعقل والغنج حنيه = الله جمعها في يديكي واعتني فيها
ترا السهم ينتهي بإيدين باريه = وشوفي الاشاره لقاها رمح راعيها
ومدت يديها توردها وداعيه = قلت القضا حان ياللي كنت ترجيها
قلت الخلا الخلا بنبرة انتقاميه= وكفيت يدي وقلت ماحلى سواليها

والمعذرة على وضع القصيدة في هذا القسم لكن حبيت ارفع الرابط وطلع الرابط خاطئ
__________________