منتديات قبائل شمران الرسمية

دك الخفوق الحزن وانعاد ماكان
والصبر ضيع في النوايب دليله
والدمع هل وثار بالصدر بركان
من عقب شفتك في جوار الرعيله
وصار الحشا لجيوش الاحزان ميدان
عليه تشتال السيوف الصقيله.
والعين غنت والعباير لها الحان
وصدري زفر والنجم يسمع عويله
والعشق مايرحم ضعيفين الابدان
من فوقهم شد الحمول الثقيله
الضيم سم القلب والفكر حيران
وخدي درج من صب دمعي مسيله
ان اشهد ان ميت واللبس الاكفان
لاصار وصلك جاحة مستحيله.
شتان بين الامس واليوم شتان
ولاعاد لي في مقبل العمر حيله
غير الدمع واجر عذبات الالحان
واركي لحمل الهم وانهض واشيله
ارض الغلا يبست وقفن الاضعان
ويمنى البخت مامدت الا الهزيله
مات الامل في بحر الاهوال غرقان
وكل الاماني من فراقه قتيله
طول ظلام الحزن والنور مابان
والنار شبت بالضلوع النحيله
يوسف الشمراني
ملاحظه : الرعيله اسم ناقه