|
بدع ورد
ليلـي تبخـر وفاحـت دلـة الخـوه00وجريت طرقي على عـزي وعزالـي والجمـر رمـد وهـم البارحـه تـوه00توه سطـى بالخفـوق وتـل غربالـي ياعل برق(ن)تجرهد في السماء نـوه00يروي ثـرى ديرتـه مـزن وهمالـي ياخوي طاب القصيد اوزان لـي جـوه00وكتبت حـرف(ن) تعزويتـه ولبالـي جف الحشى مدلي من وصلـك أوروه00وعاتب على كيف كيفك واسمع اقوالي السد لك باح هم(ن) قد غشـى جـوه00تحالفـت ضـد وقت(ن)خيـب امالـي صبري غدا واسمـع الخفـاق يتـأوه00من وقت(ن) أزرت صروفه تظهرالحالي كتبت قافـي لشيـخ الطيـب وسمـوه00العالي الي على راس الشـرف عالـي اجرح وغربل وسو الـي تبـي سـوه00ياوقـت ماهمنـي لوتحجـب امالـي ماتـدري انـي خـوي منـزه الخـوه00قرم(ن)ليا حل ذكـره ارفـع اعقالـي ابوضاري الي يفز الطيـب مـن تـوه00شفق(ن) على خوته دزيـت مرسالـي هذ البدع وصلني من اخي ابو منصور ادام الله عليه الصحه والعافيه واليكم الردا يالله تحـي القصيـد الـي لفـى تــوه00من غالي(ن)ىساق لي قيفانـه الغالـي ياخـوي هـذا زمان(ن)مابـه امـروه00يشقي قروم الرجـال أوسـر الارذالـي مير انـت خلـك مثيـل الرجـم بعلـوه00صعب(ن)طلوعه وصعب(ن)منه منزالـي شمران ربعك وساسـك طيـب ومـروه00لاعـودت بالجـدود أوخالـك أوخالـي وان ساق فيـك القـدم وتـدور الخـوه00انـا علـى يـدك اليمـنـى تحـرالـي أن قلت شاعر فشعـري صافي(ن)جـوه00أنزهـه عـن دروب الشـك والقـالـي وانا قريـت الخبـر وابطيـت بالحـروه00ناظـر لقاف(ن)يداعـب حـس موالـي أكتب على كـل ضلـع اوبالخبـر نـوه00قلبي في الغرب وفي الشـرق منزالـي ماللغلى صاحـب(ن)وان قلـت بالقـوه00ضاعت علومـي وانـا بالغـي عزالـي يادبـرة الله هجيـر الصـدر والـنـوه00تمطرعلى حس خفـاق(ن) لهـا مالـي ماللبطـى يامحمـد والعشـق جــوه00وصل(ن) ومجلاس ليل اوصاحب(ن)غالي والبعـد يحـرق نبـوت الـود ويشـوه00صورة غلا قد رست بالفكر مـن تالـي ولاحد(ن)وصل بالهوى للحـد والنشـوه00الـى هنـى بالحيـاة أوجـر مـوالـي ياخوي خالـط همـوم الفكـر بالجـوه00وشتت غبارالهمـوم اوجوهـا اشوالـي جاني قصيدك وانا لجله علـى الحـروه00ودي بعلمـك وسعـدك غايـة امالـي والله والله والله يـاصــدق الـخــوه00فيك انجلت وارتـوى بالطيـب فنجالـي ذكرك ينومـس وهـذا صاحبـي هـوه00اخوي واوفى صديـق افديـك بالغالـي خـذ منـي العلـم والله فيـك مـانـوه00ولايفي قـاف شعـري خافـي البالـي انت اكبر من البيوت الي علـى المنـوه00وانت اكبر امن الغلا قـدر(ن) ومنزالـي لايامحمـد خيالـي فـيـك وسـمـوه00شعرك مدار الفلـك وارسيـت بالحالـي جتني بيوتـك وتـو الشعـر لـي تـوه00طابت هجوسه وراق القـاف واركالـي لك من تبـوك ابعـث القيفـان بالعنـوه00غلفتهـا بالـورود اوطيـب الاحوالـي |
رد: بدع ورد
صحت لسانك ولسان ابومنصور
سلمت ولاهنت يابوضاري على ماطرحته لنا تقبل مروري وجزيل شكري |
رد: بدع ورد
ماتـدري انـي خـوي منـزه الخـوه00قرم(ن)ليا حل ذكـره ارفـع اعقالـي ابوضاري الي يفز الطيـب مـن تـوه00شفق(ن) على خوته دزيـت مرسالـي ..................................... شمران ربعك وساسـك طيـب ومـروه00لاعـودت بالجـدود أوخالـك أوخالـي وان ساق فيـك القـدم وتـدور الخـوه00انـا علـى يـدك اليمـنـى تحـرالـي أن قلت شاعر فشعـري صافي(ن)جـوه00أنزهـه عـن دروب الشـك والقـالـي .............................................. صحة ألسنتكم وصحة أبدانكم الأخوان الكرام أبومنصور وأبوضاري قصايد رائعه وخوه وافيـه لكم كل التحيه والتقديرعلى هذا الحضور ..شكرا لك أخي أبوضاري لاهنت وصح الله لسانك.. |
رد: بدع ورد
قد لا اكون حريصا في بعض الاوقات على قراءة اي نص يصادفني ولكن عندما استوقفتني هذه القصيدتين ....
وامعنت في قرائتها كان للشعرذوقا وللكلمات رونقا اذهل مخيلتي .... امتعتونا شعرا . بارك الله فيكما |
رد: بدع ورد
صحت ألسنتكم ابوضاري وابومنصور بدع ورد اجمل منها ماشفت.
|
رد: بدع ورد
اقتباس:
صح بدنك ولاهنت وانت وافي لك شكري وتقديري |
رد: بدع ورد
اقتباس:
وانا والله اعتز بشهادتك وتنويرك فلك مني كل احترام وتقدير وعلك ذخر |
رد: بدع ورد
اقتباس:
وهذا وسام من اخ عزيز وما قول غير سلمت يابوعلي ولك مني كل احترام وتقدير |
رد: بدع ورد
اقتباس:
نورت ياوليد وشهاتك فخر لي وعساك ذخر |
رد: بدع ورد
الله عليكم ما أجمل الشعر بهذا النقاء
وهذه الحبكة والجودة الشعرية الفاخره .. ويؤسفنني بأنني أتيت متأخرا ً لهذه المشاركة الراقية والغنية بالشعر الأصيل وبالكلمات والمعاني الجميلة لا خلا ولا عدم وصح الله ألسنتكم على الدوام ننتظر المزيد مع الشكر |
| الساعة الآن 08:57 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية