|
قصيدة المطاليق
قصيدة المطاليق الحمد للي للمخاليق علام يعلم خوافيها ويعلم حيلها الواحد المعبود خلاق الأنام والرزق بيده والنعم مكتفلها من بعدها بأكتب لي ابيات واعلام بأرض غلاها بالحشاء واحتللها ارض البشاير ديرة اخوان واعمام والعزوه اللي مالنا في بدلها جينا لها عجلين والطيب قدام انا وبن بركي لزوم نصلها عشنا مع صحاب لنا عشرة ايام ما كأنها الاّ يوم من طيب اهلها ناس مواقفها مطاليق واحشام طبيعة الوافين ما حدٍ جهلها بوجيههم تلقى الفرح والتبسام وقلوبهم لشوف الأصحاب ولها ماتسمع الاّ سم وابشر لها انغام وبشاشةٍ تشفي القلوب وعللها تحسب حساب اللوم واحساب الأثام اثام ظلم الناس من يحتملها خوة وفاء ماصابها غش واخصام الطيب غايه والتحاشى زللها في ديرة فيها المطر يرزم ارزام اسيولها من سهلها لا جبلها الأرض تشرح صدر من كان منظام استبشرت بالماطر اللي نزلها العشب كاسيها مثل خضر الأعلام تشفي الصدور اللي ضناها وجلها بالمختصر عشنابها عدة ايام ما كنها الاّ يوم من طيب اهلها |
رد: قصيدة المطاليق
ال حمدان هلا وغلا ومرحب فيك
وشكرا لك على مشاركاتك القيمه وصح لسان الشاعر الكبير زهير بن حمدان صاحب الحضور المميز |
رد: قصيدة المطاليق
شكرا لك على مشاركاتك القيمه
|
رد: قصيدة المطاليق
الشاعر ال حمدان
صح لسانك وعلا شأنك وتحياتي لك ولأهل البشائر الإنسان والمكان تقبل مروري وفائق احترامي |
رد: قصيدة المطاليق
صح لسانك وبارك الله فييك
|
رد: قصيدة المطاليق
الحمد لله دائما وابدا
كلام رائع وجميييل |
رد: قصيدة المطاليق
اقتباس:
الطيب غايه و التحاشي زللها صح السانك وعلى شانك روعه |
| الساعة الآن 08:52 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية