منتديات قبائل شمران الرسمية - وش عاد لاقالوا خويك توفي

- بـوح الـقـصيد للشعراء الأعضاء (http://vb.shmran.net/forumdisplay.php?f=7)

- - وش عاد لاقالوا خويك توفي (http://vb.shmran.net/showthread.php?t=22563)

وش عاد لاقالوا خويك توفي

ياقلب..حرفي عن هجوسه مقفي؟
والاهجوسي عن حروفه توانا

ماخذت من بدع المقاريح شفي
كني شفي ٍ لاينسنس هوانا

على مشاعر خاطري قمت اعفي
متغربٍ عنها وهي في حرانا

لبيه ياحرف القصيد الموفي
اللي يرد الروح في منتدانا

باشب لك شبه على بطن كفي
ولّا حطبها من مقالع حجانا

واجلا من الشمع المنقى واصفي
يستاهل اللي من تنومس معانا

الناس واجد والتشابه يخفي
نصع الحقايق عن عيون ٍ ترانا

ماظنتي يرضى علانا المقفي..
حتى ايش مايرضى المقفي علانا

لا والله الا بالضماير تشفي
من ظنةٍ ماهي توصّل سمانا

مايدري ان القلب وسعه يكفي
كل القلوب اللي ولاها ولانا

وش عاد لاقالوا خويك توفي
وانته تعاهد صاحبك في جفانا

ياوهنيّ اللي هروجه تصفي
شحن النفوس اللي عناها عنانا

الهرج بعضه للمبرد مدفي
لكن بعضه من جحيمه شوانا

اهل النميمه مثل ريحٍٍ تسفي
تنحت صخور الشمل كنا وكانا

واللي رمى الطيّب بهرجه ولفي
لك الله انه مايدنس صفانا

ياليتنا عند الكريم الموفي
في قدره اللي نحفظه في لحانا