منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   المنقولات الأدبية (http://vb.shmran.net/forumdisplay.php?f=153)
-   -   ياللي ورى ركنك تلوذ المساكين (http://vb.shmran.net/showthread.php?t=51148)

الحمدان 05-20-2019 05:21 AM

ياللي ورى ركنك تلوذ المساكين
 
ياللي ورى ركنك تلوذ المساكين
واسجد لمرضاتك واذلل جبيني

عبدك على عهدك ومدك بلا حين
وانا على بابك وتعلم كنيني

ازريت لا عدل كفوف الموازين
وازريت اسد الربع من عشر ديني

لبيه ثم لبيه لبيه واهلين
ياعز وجهين وثمرها سنيني

وابر واغلا ما تحلت به العين
واجل وابرك من اجيه ويجيني

واهلا ولو اهلا توقف مع اسمين
وقفتها ما بين الاسمى وبيني

واثنين ما افرق فالغلا ومتساوين
الاني افرق بين عيني وعيني

ليت انهم فالصدر حرز عن البين
والموت قبل يمرهم يحتويني

وعن واهج الرمضا ضلوعي بساتين
واليا وطوها زلهم راحتيني

اطيب وامرض واغضب العمر وازين
وانسى المجافي واجفى اللي يبيني

واحب واكره واحشم انسان واهين
في ذاتهم واقرب بهم مبعديني

واصل على رجوى رضاهم للقصين
واقطع بمبعدهم ولوه يميني

ولو ان عمري يصرف ايام واسنين
قسمت عمري عدل مع غالييني

واليا نزلت اقبل اكفوفهم لين
ساويت راسي مطلع الفرقديني

وانا فدا ماطى قدم جل الاثنين
من دون اقول اللي تحوشه يديني

وامين من جودك ومن جودك امين
يالله عسى الجنة جزا والديني


الشاعر. خالد العتيبي

شذى الياسمين 05-20-2019 02:20 PM

رد: ياللي ورى ركنك تلوذ المساكين
 
اخي الحمدان
شكرا على الحروف الجميلة

جزاك الله خير

وأحسن إليك فيما قدمت
دمت برضى الله وإحسانه وفضله

الحمدان 05-20-2019 11:51 PM

رد: ياللي ورى ركنك تلوذ المساكين
 
اقتباس:

المشاركة الأصلية كتبت بواسطة شذى الياسمين (المشاركة 411989)
اخي الحمدان
شكرا على الحروف الجميلة

جزاك الله خير

وأحسن إليك فيما قدمت
دمت برضى الله وإحسانه وفضله



ألاخت الفاضله شذى الياسمين
شكرا لك على تعقيبك وتواجدك
المستمر بمتصفحي لاعدمتك
لك مني أجمل التحايا واطيبها


الساعة الآن 12:42 PM.

Powered by vBulletin® Version 3.8.7
Copyright ©2000 - 2022, vBulletin Solutions, Inc. Trans by
جميع الحقوق محفوظة لـ منتديات شمران الرسمية