من اروع قصائد امي
 

منقول
السلام عليكم
هذي قصيده من احد قصائد امي وانا ذكرتها ولكن حطيت نقط بدال اسمين من الاسماء المذكوره في القصيده
لان القصيده تعبر عن حزن امي لفقدها واحد من اخواني لسبب معين لاداعي لذكره وللعلم ترى القصيده قديمه

يالله يامن قدرته تحيى الميت
تروف بي وتزيد صبري والايمان

يا... انا جرحي تعاظم ومليت
وأنا انتظر عودة جنيني ...

متى ينور دارنا شمعة البيت
متى يعود لماكره طير حوران

تبدلت جمعاالولايف بتشتيت
شكواي لله ماتشكويت لانسان

يضيقني هم الملا كل مامسيت
يلوعني لوع الفقر لام يتمان

أسباب من قفى وأنا عنه ماقفيت
اختار له غيري حبايب وخلان

العالم الله كم لرضاه عانيت
كم ليلة ماطبق الجفن سهران

كملت له حقه عليه ووفيت
وقابل جميل امه جحود ونكران

تعبت في بادي حياته وربيت
ابيه يطلع لي مطاليع شجعان

أطاع بي شور العصاه العفاريت
ورضي لي الغبن ونسى كل ماكان

عزالله انه من هل الجاه والصيت
مال الردى حول ابن الاحرارميدان

أحاول أخفي حرقة الشوق وأزريت
والدمع يحرق ناظري وأحفى الاوجان

من لايقدر خطوتي ليه لياجيت
ماهو بنافعني تحت بيض الأكفان


ام ....... ال .......

------------------
اللي يبينا عيت النفس تبغيه واللي نبيه عيا البخت لايجيبه

الله ييبارك لك في الوالدة ويحفظها ويمد في عمرها على طاعتة ويفرح قلبها برجعة ابنها لحضنها

انه على ذلك قدير .........

وعليكم السلام ورحمة الله وبركاته

الله يعطيك العافية على هذه القصيدة الجميلة

وأسأل الله أن يفرج همها وهم المسلمين

لاهنت يالغالي

تحياتي واحترامي