معوّض خير يا حي تهقوى في الزمان ومال
معوّض خير يا حي تهقوى في الزمان ومال
سنينك لو رقيت بعدلها يطرحك مايلها تعلّم واعرف إن الدرب قدامك سهل وجبال جبال تطولها وجبال بعيونك تخايلها ومعوّض خير يا حيٍ وردت الماء بدون حبال يطول بك الوقوف وشربة الماء ما تحصّلها وقوفك عند راس البير مايسقيك لو فنجال ولا ينفعك شوف الجمه اللي منت طايلها ومعوّض خير يا حيٍ خدعك من الرجالأشكال تشوف أشكالها وتحطها أرفع من منازلها تعلّم من زمانك لا تصير من أجهل الجهال ترى في كل يوم تجيك عبرة لا تجاهلها إذا ربي وهب لك عقل تلقى في الرجال رجال تعرف اللي يطلّع قيمتك واللي ينزلها ترى من بعض ما يندي الجبين ويحرج الرجال ليا ساق الميانه في نفوسٍ ما تقبّلها ومهما شفت في صاحبك من نخوة وطيبة فال ترى بعض السجايا كثرة الإلحاح يقتلها معاريف الرجال ديون وديون الرجال ثقال ليا صرت متعافي ليش تغرق في جمايلها رصيدك في حياتك سمعتك مع طيبين الفال رجال الطيب والمعروف بالمعروف عاملها ولا تبدي بجاهك في مقام ما يسر الحال ولا تشفع لناسٍ ما تنومسك بفعايلها ليا جاتك تعذّرها مدام العذر له مدخال ووقت الجد قول لها الصحيح ولا تجاملها وخذ مني نصيحة لا تصدق كل ما ينقال يجرك للنميمة لين يطرحك بحبايلها يجيلك ناقل النمّات بهروجٍ تغث البال سوالف في قفاك وحظك أطيب يوم تجهلها يبرّر بالحمية والصداقة شينة الأفعال يجمّل صورته بعلومه اللي ما تجمّلها ولو كانت حميّه فيك رد المخطيه في الحال ولا كان استمعها في قفاك وجاك شايلها ترى من جاب لك ودّى وهذي عادة النقال يحاول يقتنص من فمك كلمة لأجل ينقلها ومثل ما قال عندك راح عنك وعند غيرك قال وزوّد عشر فوق الكلمة اللي كنت قايلها تجنّب مجلسه لا تجلس إلّا مع كريم خصال تحمّل ميلته وإن ملت ميلتك يتحمّلها ولا تصبر على الجار الردي لو هي ثلاث ليال تضرك جيرته لو كان بيبانك تقفلها وبيع الدار بأول سومةٍ تعرض على الدلال ورزقك عند ربٍ كاتب اللقمة وكافلها وبنتك لا تزوجها الردي لو هو كثير المال تربيها على الطالات وتشوّه سلايلها وكم من لاش يرمي خيبة ابنه فوق رأس الخال لو إن الخال من روس الرجال ومن دلايلها ليا منك عرفت تميّز الطيّب من البطال وفادتك التجارب في الحياة وفي مسايلها وكشفت الفرق ما بين الصحيح وحيلة المحتال وتعلمت الفراسه في الوجيه اللي تقابلها بعد هذي ترى مالك غنى عن صحبة العقّال يدلّونك برايٍ ينقض الدعوة ويفتلها يقولون الرجال اللي سوالفهم حِكم وأمثال ليا من ضاعت الحيلة يدل القوم عاقلها نصيحة واحدٍ جرّب وشاف من الزمان أهوال يقدّم لك خلاصة هجرةٍ جرّب هوايلها الساعر.......... |
رد: معوّض خير يا حي تهقوى في الزمان ومال
تسلم يداك على القصيدة بوركت جهودك ولك اجمل تحياتي https://2img.net/h/tw2.absba.org/tea...88/absba71.gif |
رد: معوّض خير يا حي تهقوى في الزمان ومال
صح لسان الشاعر
بارك الله فيك وجعل ما تقدمه من موضوعات في ميزان حسناتك دمت بخير .. |
رد: معوّض خير يا حي تهقوى في الزمان ومال
شكرا على الموضوع
اثابك الله الأجر واسعد قلبك في الدنيا والاخره دمت بحفظ الرحمن |
رد: معوّض خير يا حي تهقوى في الزمان ومال
منورين يالغالين
بمرورك الرائع والمستمر شكراً لكم |
رد: معوّض خير يا حي تهقوى في الزمان ومال
شكرا على الموضوع دام لنا عطائكم المميز والجميل |
رد: معوّض خير يا حي تهقوى في الزمان ومال
أخي العزيز الحمدان شكرا لك على هذه التواجد الفعال والمشاركات النافعه والمفيده فبارك الله فيك وجزاك الله خير |
رد: معوّض خير يا حي تهقوى في الزمان ومال
أرحب ملايين يابو تركي
لاخلا ولاعدم لك مني أجمل تحيه وتقدير لاعدمتك |
رد: معوّض خير يا حي تهقوى في الزمان ومال
اقتباس:
منوره شمس الاصيل أشكرك جزيل الشكر |
الساعة الآن 04:54 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية