البدع

اليوم صالح وين ساقه وداه
قانون سير الشعر ما حاسبه
لايحسب انه الساق للدرب طاوي
بعض المعاني جور تسكينها

الرد

ضيّع طبيبه بين همّه وداه
والوقت من بعد الهنا حاسبه
يصحى على الشينات ويبات طاوي
واجروح قلبه صعب تسكينها

البدع

البدع ليت الشر يرجع وراه
ولا يجي للباب والعاتبه
واحد يقول الصدق والفين راوي
وتوثّق البندق نياشينها


الرد

الرد ليت الخير يرجع واراه
واشكي له من الهم واعاتبه
واللي ظما يروى ونحسبه راوي
لكن ضروف السن يا شينها

اتمنى من شاعرنا القدير التقيد بالوزن والقافيه لانه لم يتقيد بها الا في اول مشاركتين له فقط..
مع التحية

أسجل حضوري ومحبتي للجميع

البدع

ابنقض ابياتك ومثلي حشاه
مايعترف بالخط من كاتبه
اليا لفانا زل ولاّ خطاوي
نرفع قضايانا لمفتينها


الرد

التمر والله ماالّقى من حشاه
ماهو في الوادي ولا كات به
تعب تعب واقفى يحث الخطاوي
وباقي المزارع ما قطف تينها

اخي حنش اسمح لي بالرد واتمنى الترفع عن مثل هذه الامور فنحن جزء واحد ويد واحده وامسحها بوجهي ان جا من حد اي غلط

ياجماعه ودنا نشرب من المورد صفاه
مانبي نسمع من اللي ذم واللي هاض ويل
ادعو الله يجلي الغمه ويفتح من فتيحه
كل موقف عز يرقانا ولا نرقا عليه

تم حذف جميع التعليقات اللي فيها نقد

المحاورين هنا شعار ومعروفين ولا يحتاج نقد

إذا تبي تنقد افتح موضوع جديد وحاور الشخص اللي تبي

وشكر ا

======================

انا من المتابعين لهذه المحاوره

اتمنى الاستمرار

===================

لكم مني احترامي وتقديري

ياشباب اذكروا الله وصلو على النبي
انا سأقفل باب النقاش فيشهد الله اني متواجد هنا من اجل الجميع وابو عبدالعزيز استاذ لنا كلنا واتشرف بخوض غمار المحاوره معه هنا ولكن درءا للمشاكل (انا اعلن انسحابي من هذه المحاوره ) واتمنى من الاداره اقفال الموضوع
ودمتم