منتديات قبائل شمران الرسمية - الواقع نعيشه كذا هرج واسكات🍀

- بـوح الـقـصيد للشعراء الأعضاء (http://vb.shmran.net/forumdisplay.php?f=7)

- - الواقع نعيشه كذا هرج واسكات🍀 (http://vb.shmran.net/showthread.php?t=60871)

الواقع نعيشه كذا هرج واسكات🍀

الواقع نعيشه كذا هرج واسكات

https://i.pinimg.com/474x/d4/64/08/d...53cdff993e.jpg

الواقع نعيشه كذا هرج واسكات

على مساحات الرضى والسكينه

راضين بالمقسوم في كل الاوقات

وعبـــدالمعـــين الله بعــونه يعينه

عسى الكريم اللي يدينه خليات

يصبح عليه الصبح مليا يدينه

وعسى البخيل اللي يدينا مليات

يصبح عليه الصبح ما شال دينه

الأول من الفقر ذاق الصعيبات

وصابر على وقته بشينه وزينه

والثاني الحرمان حط له شارات

والبخـل سوا شـارةً في جــبينه

معطيه ربي لكن البخل نكبات

منه متعوذ من دفن في المدينه

نبينا اللي نذكره في الصلوات

وحنا بمــا قال النـبي تابـــعينه

والا الكرم طبع النفوس العزيزات

صفات من جــعله اتطول سنينه

والفقر لو أن له على الناس هدات

ما كــف قــلب الطــيّــب ولا يــمينه

كم من فقير ما لقى قوت يقتات

ويكرم ويعطي بالسخاء قاصدينه

وكم من غني مغــتني بالفلاشات

عــطـــاه للمـداح.. ومصــوريـنه

ماعَــم.. لكن زبدة الشعر وقفات

والحاصل إن الوقت هـــذا غبينه

تغيرت مع البشـر والعــلاقات

حتى الردي ينظر لنا بنص عينه

ياالله بوجهك والليال الاخيرات

ما هي بزينه.. صعب لا أقول شينه

والصبر زين وله حدود ومساحات

والعــقل طبع للعقـــول الرزينه

لكن على الله ياعسى كل مافات

للصيت والذكر الوفي ذاخرينه..

مازن العوني