منتديات قبائل شمران الرسمية - يابدر ماني عال لو صحتي عال

- المنقولات الأدبية (http://vb.shmran.net/forumdisplay.php?f=153)

- - يابدر ماني عال لو صحتي عال (http://vb.shmran.net/showthread.php?t=56968)

يابدر ماني عال لو صحتي عال

يابدر .. ماني عال .. لو صحتي عال
شفني من الصدمات نفسي عليله

اشيل حملٍ .. لو يشيلنه .. جبال
الله ، ومانه .. غير تصبح نثيله

أرمي .. من هموم الزمن .. واسحب أدبال
وانزل عن ( الجوكر ) وغيري يشيله

من كثر ماشفت بحياتي من انذال ....!!
بديت اشك ان النذاله ... فضيله

ماطاح من عيني رجل ..!! طاحوا .. رجال
ورجال ( يابن حنيف ) ماهي قليله

اقرب من اللي قالهم ضمن ماقال ..
راكان بن حثلين .. راعي الجزيله

( هذا .. ولد عمٍ ، وهذا .. ولد خال
وهذا .. رفيقٍ مالقينا .. بديله )

سبحان منهو يابدر بدل الحال ..!!
وحط الجفا بين الخليل .. وخليله

هذا الزمن يبغاله .. لسان دلاّل .. !
من يستحي هالوقت .. واعزتي له

وقتٍ به ( الراعي ) غدى .. راعي دلال
كلٍ على طاريه .. ينفض شليله ..!!

ومن كان ساسه للردى مضرب امثال
اليوم .. يحسب من كبار القبيله ..!!

المال .. يابن حنيف ملعون .. ابو المال
ذل العزيز .. وعز .. ناسٍ ذليله ...!!

......