منتديات قبائل شمران الرسمية - عينك تشوف الحال ولاكفيفه

حسي بقلبن ساقه الشوق يمك
وحسي بعينين بالعباير كليفه
ما ابلد شعورك كيف ما فار دمك
وانا بعد فرقاك حالي كسيفه
لو كان همي يا منى الروح همك
ماكان هجرك جز الاضلاع سيفه
اطعمتني من نار غدرك وسمك
وحملتني حمل الجبال المنيفه
ولازلت حبك والاماني تضمك
وحشاي غصنه فوق راسك مريفه
يمديك خفت وذاب هرجك بفمك
وان على لاماك ما اوجست خيفه
وآخر ما أقوله يرحم ابوك وامك
عينك تشوف الحال ولا كفيفه
بقلمي يوسف الشمراني