لك وحشتن بالصدر من لوعة الشوق
وحشة دفين القبر بين المقابر
ولك منزلن في عالي القلب مرموق
ورث الغلا من ورث كابر لكابر
ولك دمع عينن جرح الجفن والموق
في كل ليله بين الاوجان عابر
ولذود حبك في حشى الصدر زملوق
ترعى وانا من لهفة الحب صابر
الخلق تحتك بالغلا وانت من فوق
واللي نوى ياصلك مقطوع دابر
تركت قلبي في لظى الشوق محروق
وكسرتني كسرن مايجبره جابر
ذبحتني بالصدر والجيد منتوق
والردف قسمه مثل قسم الاكابر
وجهك يسوق النور في ناظري سوق
وعينك رمتني مثل رمي المعابر
اقفيت واصبح صدر الامال مخنوق
والصبر ماهو مثل ماكنت خابر
يوسف الشمراني