أحد الأصدقاء أخبرني بقصة حدثت بينه وبين فتاه كانت بدايتها عن طريق رسالة بعثتها له على جواله ثم أصبح يحدثها فترة من الوقت ثم بعدها انقطعت هذه الفتاه عنه نهائي ، فكتبت له هذه القصيدة وهي بعنوان :

( الرسالة )

يا اللي حسبت انك مع البخت موصول

والنار في جوفك تزيد اشتعاله

كلامه اللي لاعكم حيل معسول

والكذب مهما زاد تقصر حباله

من يوم روّح عنك والبال مشغول

وتقول يا وين ألتقي في وصالة

جوالهم من يومها صار مقفول

وإذا فتح مرّه يزيد انشغاله

مابه صداقة بين واضح ومجهول

لا عادها الله يوم جات الرسالة

ترسلها في كل الأوقات وتقول

يا زين جاوبني وخل الثقاله

نبغى انتلاقى والوصل منك مأمول

ترى الجفا والصد أكبر نذالة

وأصبحت لجله تايه وشبه مسطول

هذه عواقبها دروب الضلالة

والله ثم والله لو عمرك يطول

لا بد من لحظة تجي في زواله

تذكر انك فالنعش يوم محمول

وبتواجه المولى عظيم الجلالة

يوم الجزاء والكل خايف ومذهول

عذاب ربي من يطيق احتماله

نصيحتي جاتك ولا ني بمسئول

احرص على أعمالك وخل الجهالة

شعر / ضيف الله البدراني