منتديات قبائل شمران الرسمية - عجزت ابرر صمتي اللي غشاني..

- بـوح الـقـصيد للشعراء الأعضاء (http://vb.shmran.net/forumdisplay.php?f=7)

- - عجزت ابرر صمتي اللي غشاني.. (http://vb.shmran.net/showthread.php?t=36718)

عجزت ابرر صمتي اللي غشاني..

http://www.alhebah.com/vb/imgcache/2469.imgcache.gif

ايام رآحت بي ورآحـت علـى خيـر.
مرت على عمـري مـرور"الثواني

ايام كانت غير .. فـي ذمتـي غيـر...
احيت يباس عروق ذيـك المحآنـي ْ~...

قبل الوداع ., قبـل طـوي المشاويـر...
ماكنت احـس بقيمتـه لـو جفانـي ْ~....

ويوم افترقنا ..والحزن جانـي امغيـر...
عرفت وش معنـى ضيـاع الآمانـي ْ~...

ماعاد لك ياحـزن.. حشمـه وتقديـر...
من يوم جيت وجبت لي "جرح ثانـي ْ~...

وماعاد بيـدي شـي.. دام المقاديـر...
وفـت وعدها..وسلبتنـي زمـانـي ْ~...

سيلـت بفراقـه دمـوع المعـاذيـر ...
حتى خشـع مـوج "الغـلآ" للموانـي ْ~...

ومديـت للقيـا كفـوف التباشـيـر ...
ومدت لي الفرقـا كفـوف التهانـي ْ~..

ودي آ فضفض بس ويـن التعابيـر؟!...
ودي اعبـر بـس ويـن المعانـي؟! ْ~..

حاولت ابـرر صمتـي بـأي تبريـر ...
وعجزت آبرر صمتي اللـي غشانـي ْ~...

ياصمتي اللـي مالقـا لـه تفآسيـر ...
ليـت الـذي وداه.. يمـه خـذانـي ْ~..

ياحيله الله وش بقا؟! وش يبي يصير؟!..
دام المكـان اليـوم مآهـو مكانـي ْ~...

الغيت من بعـده جميـع المحآذيـر ...
وارخصت عمري دام هالعمـر فانـي ْ~...

بعده.. تراها تهون كـل المخاسيـر ...
يعني وش اكبر من خساره كيانـي؟! ْ~..

لو قلـت مآل لبعـده الـيـوم ...تأثـيـر ...
تفضحني عيوني.. ويكـذب لسانـي ْ~..

لكن تركت له هالقصيده علـى خيـر ..
يمكـن يحـس بضيقتـي .. لاقرانـي ْ~..