![]() |
اجمل ماقيل في القهوه
السلام عليكم و رحمة الله و بركاته كثيرا ما اكتب لكم مايجول بخاطري ولكنني انقل لكم كلمات من شعراء عظام نقلوا لنا ماكان عليه الناس من كرم وكيف ترافقت القهوه من هذا الكرم لدى العرب يقول الامير راكان بن فلاح ال حثلين يامحلا الفنجال مع سيحة البال في مجلساً مافيه نفساً ثقيلـه هذا ولدعمً وهذا ولـد خـال وهذا رفيقـاً مالقينـا مثيلـه ويقول الشاعر محمد بن عبدالعزيز القحطاني وهو يوصي ابنه يابو محمد شب واقضب مكاني في غيبتي قهو الرجال المشاكيل وفل الحجاج لكل من جاك عاني وابدا التحيه قبل سوق الفناجيل ويقول شاعر من قبيلة مطير واسمه شليويح وهو يوصي ابنه نمر امل الوجار وخلو الباب مفتوح خوف المسير يستحي ماينادي يانمر مافي صكة الباب مصلوح ولاهي لهلكم يامظنـة فـؤادي ====================== ويقول خلف بن هذال شاعر عتيبه سوولي الكيف وارهو لي من الدله البن الأشقر يداوي الراس فنجالـه كيف لنا نحرقـه بالنـار وانزلـه واليا انقطع لو ورى صنعاء عنيناله ========================== ويقول الشاعر ابن خشم الذيب العجمي اشرب الفنجال واكب البيالـه طيباً واحـب سلـم الطيبينـي الولد ان طاب طيبه من خواله وان تردا فاعرف انهم خايبيني ==================== ويقول الشاعر دغيم الظلماوي من قبيلة شمر ياكليب شب النار ياكليب شبه عليك شبه والحطب لك ايجابي وعلي انا ياكليب هيله وحبـه وعليك تقليط الدلال النجابـي ================= ويقول الامير راكان بن فلاح ال حثلين اثناء اسره في تركيا (يصف حالته) يابوهلا صرنا سوات الدراويش والكل منا خبزته فـي يمينـه لا عاد به دله ولا عاد به عيش ولا عاد به فطحة خروفاً سمينة =========== ويقول الشاعر الامير محمد بن احمد السديري يابجاد شب النار وادن الدلالـي واحمس لنا يابجاد ما يقعد الراس ============ ويقول احد الشعراء الدله اللي ماتبهر من الهيـل مثل العجوز اللي خبيثاً نسمها ============ ويقول الشاعر ناصر بن عبدالكريم من اهل سدير خمسة عشر فنجال لحنيف صبيت لو ان بطنـه قربـةً قـد ملاهـا فرد عليه الشاعر حنيف بن سعيدان المطيري وقال لا تحسبني من دلالـك تقهويـت قللت في طبخهـا وكثـرت ماهـا ياموصي الحرمه على صكت البيت تقول منتـه فيـه وانتـه وراهـا وسلامتكم و السلام عليكم و رحمة الله و بركاته منقوووووووووول |
مشكور اخوي وماقصرت
والله يعطيك العـافيه وتقبل مروري |
بيض الله وجهك يالغالي
كتبت و أبدعت كعادتك يا أبو عبدالله تقبل مروري ولاهنت تحياتي واحترامي |
بيض الله وجهك يالغالي
تقبل مروري ولاهنت تحياتي واحترامي |
مشكور اخوي حوفان وماقصرت والله يعطيك العـافيه ولاهنت وتقبل مروري |
اقتباس:
تقبل تحياتي |
وعليكم السلا مورحمة الله وبركاته
خالد الفيصل: اعن له عنة هل الكيف للهيل.......ما ذاق راعي الكيف ذقته هنيا .......... تراث: يا ما حلا شبة النار من غير قز ودوافير و النجر يلعب بصوته خلف الدلال المباهير مبروك عليكم ملكة الاحد الماضي |
سلمت وصح الله لسانك
كلمات جميله ووصف أروع للقهوه ومنزلتها التي تحتلها لدى من يقدرها.. لاهنت وجمل الله حالك |
::حوفان بن عبــدالله::
بيض الله وجهك يالذيب على نقلك الرائع سلمت اخوي ودائم رائع ننتظر جديدك الجميل مثل هذا..تقبل مروري واحترامي &*شمراني والوفاء عنواني*& |
قصيدة جدا جدا رائعه وتسلم يدك على النقل الرائع وصح لسان الشعراء الله يعطيك العافيه تشكوررررررراتي
|
الساعة الآن 04:38 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية