منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   المنقولات الأدبية (http://vb.shmran.net/forumdisplay.php?f=153)
-   -   جلبت محصولٍ على جال الطريق وأخذت غفوة في مكانك تستريح (http://vb.shmran.net/showthread.php?t=55567)

شمرانية الروح 06-05-2020 10:31 PM

جلبت محصولٍ على جال الطريق وأخذت غفوة في مكانك تستريح
 

جلبت محصولٍ على جال الطريق وأخذت غفوة في مكانك تستريح

http://www.alriyadh.com/media/thumb/...42a0661b11.jpg

صورة العدد (عدسة / عزام الحميضي)
إعداد - بكر هذال

الرزق مطلوبٍ ولابه معيره

ولا يمدح الكسلان في كثر نومه

رجال يكدح في نشاط وبصيره

تلقاه واقف للعمل طول يومه

به فرق عن ناسٍ بعكس المسيره

يقضي فراغه بين لعبٍ وحومه

علي الر شيد - رياض الخبراء


بالعمْر طفلٍ والفعِلْ فعْل رجّال

لله درك يا قويّ العزومي

ماعشت عمرك مثْلِمَا يْعيش الأطفال

شلْتِ الْحِمِلْ بدْري وذِقْت الهمومي

من أجلِ لقمةْ عِيشِ عانيت الأهوال

تِتْرزّقَ الله كلّ يومٍ بيومي

انتهْ منِ الأبطال لوْ عِدّ الأبطال

فعْلِكْ فخَر عانق رفيع الغيومي

ناصر جمعان آل عوض - وادي الدواسر


جلبت محصولٍ على جال الطريق

وأخذت غفوة في مكانك تستريح

توك صغير السن وتعدل عن فريق

وكديت عافيتك وغيرك مستريح

يا سابقٍ عمرك ترى حسك عريق

غيرك جلس في بيتهم دايم طريح

والرزق عندالله هو منجي الغريق

هذى كلامي وافتخر قولي صريح

حمد عبدالله الوايلي - حوطة سدير


أشوف غلامٍ جلس محتار

ولا أشوف ناسٍ يمرونه

من أسباب كرونا هذا ماصار

كل البشر ما يحبونه

خلك في بيتك قرار وصار

قرار مسموع يوحونه

ادعوك ربي بليل .. انهار

تشفي مريضٍ يداوونه

وتحمي بلدنا من الأشرار

مليون مسلم يقولونه

خليف فهيد الحربي - الرياض


يا مدور العيشه تحمل على الجور

وأصبر وخلك يالشقردي شجاعي

لا ينثني عزمك ولا تصير معثور

تحمل وعند الله فجاجٍ وساعي

ياما تحملت الشقاء أيام وشهور

ما يكسب العيشه قصير الذراعي

خالد ناصر المخيمر - روضة سدير



ما فيك يا بني ترى في باقي الناس

كربه على الكل إدع الرب يفرجها

فرغ الشوارع وقل البيع له ساس

ومنع التجمع ظروف الحال أنتجها

اصبر وبكره يزول الهم وعماس

وتشوف ما يفرحك والنفس يبهجها

وابد التجاوب بكل الصدق وإحساس

وأمور لجل الوطن وأهلها تجنبها

سعود عائش الحربي - جدة



يا مكافحٍ لجل المعيشه فلا لوم

لو تجتهد بالصبح ولا الغداري

مسكين من كثر التعب جاي به نوم

والنوم سلطانٍ ولا هو بداري

انا اشهد ان مهنتك قد جيتها يوم

معظم منامي والله ما هو بداري

محمد عبد الله الشهري - جبل أثرب



خل التكاسل يا ولد وأنفذ ذراع

ترى العمل فيه السعادة فيه خير

والرزق من جهدٍ أجمل متاع

مهما يكون التعب أجمل مصير

سطام المسردي - الرياض

http://www.alriyadh.com/media/thumb/...a39d019d6c.JPG



فتى بلاد شمران 06-06-2020 01:22 AM

رد: جلبت محصولٍ على جال الطريق وأخذت غفوة في مكانك تستريح
 
شكرا على هذه الاشعار الرائعة
طرح جميل
جزاك الله خيرا

حسن بن عبدالله 06-06-2020 11:53 PM

رد: جلبت محصولٍ على جال الطريق وأخذت غفوة في مكانك تستريح
 
شمرانية الروح
شكرا لك على الموضوع الجميل والمفيد
جزاك الله الف خير على كل ما تقدميه
لهذا المنتدى
ننتظر ابداعاتك الجميلة بارك الله فيك

شمرانية الروح 06-11-2020 03:41 PM

رد: جلبت محصولٍ على جال الطريق وأخذت غفوة في مكانك تستريح
 
شكرا على مروركم المميزِ ..
سعــدت بـ توآجدكـم هنــآ ..
كــل آلوِد لكم ..


الساعة الآن 02:50 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية