منتديات قبائل شمران الرسمية - الكامل الله والخطا طبع الانسان

- المنقولات الأدبية (http://vb.shmran.net/forumdisplay.php?f=153)

- - الكامل الله والخطا طبع الانسان (http://vb.shmran.net/showthread.php?t=75468)

الكامل الله والخطا طبع الانسان

الكامل الله والخطا طبع الانسان
والدرب يفرق عن يساره ويمينه

والصاحب اللي له معزه وله شان
إن جاني بشينه تذكرت زينه

اتحمل اخطاءه معي قدر الامكان
من جانبي تبقى العلاقه متينه

واللي يغلطني وانا ماني بغلطان
اصابعي احطها وسط عينه

مادامني مسلم وفي قلبي ايمان
عمر البحر ماشال هم السفينه

مرت علي انواع واشكال والوان
بين العقول الناقصه والرزينه

عندي قناعه ان الانسان شيطان
إذا يهينك لازم انك تهينه

يعني اذا حاجتك بيدين عدوان
يكفيك شر المهزله والغبينه

من كثر ما جاني من الناس خذلان
تجرحني حتى كلمه الله يعينه

صحيح لي ربع وجماعه وخلان
وأضيق لكن حاجه الناس شينه

الشخص دام انه بكل شيء خسران
تأكد انها من عمايل يدينه

من مرحله حب ومشاعر وحرمان
ان ما لعنت الحب تلعنه سنينه

اكتب شعر واعزف من اشواقي الحان
واسلي قلوب الغرام الحزينه

ولو الشعر مخلوق في هيئه انسان
والله لا قول له تسلم واقبل جبينه

.....