منتديات قبائل شمران الرسمية - قال الشاعر / سليمان مثري البلوي رحمة الله

- المنقولات الأدبية (http://vb.shmran.net/forumdisplay.php?f=153)

- - قال الشاعر / سليمان مثري البلوي رحمة الله (http://vb.shmran.net/showthread.php?t=42727)

قال الشاعر / سليمان مثري البلوي رحمة الله

قصيده للشاعر / سليمان مثري البلوي رحمة الله

حرب البعيد يوحد الصف يحمود
بس البلا يحمود حرب القرابه

اللابه اللي بينها الهرج موجود
اشهد شهادة حق ماهي بلابه

هرج القفا بالناس عيبٍ ومنقود
كلمه وتكبر لين تصبح طلابه

يبلش بها العاقل من افعال مقرود
الجاهل اللي ما يحسب حسابه

والبيت لا شيد على كذب وجحود
مهما كبر يرجع على اصله خرابه

الجود ماكلٍ ترى يقدر الجود
وإلا الردى يا حمود مفتوح بابه

يا حمود ما خنا مواثيق وعهود
لا والذي للناس نزل كتابه

ادمح خطا مساعد على شان مسعود
اسكت حيا ماهو بخوف ومهابه

والصبر له حكمه وله وقت وحدود
اصبر على العجه برجوى سحابه

ومن لايعشق المجد مايكسب الفود
هذاك خبلٍ و ساتراته ثياااااابه

حرب البعيد يوحد الصف يحمود
بس البلا يحمود حرب القرابه