منتديات قبائل شمران الرسمية - حر على حر من اهل الشجاعه

قالت من انت وقلت من ساير الناس

شفت المضارب قلت برتاح ساعه

من بعدها بركب على زين لتراس

مع خلا كلن يهاب اتساعه

قالت على هونك شف الليل دساس

يارب واحد ماسلم من خداعه

قلت الخلا الخالي به الذيب دواس

من صغر سنه طاف حيده وقاعه

زاهد مساليكه مع خبت واطعاس

وياما تعلا حيد عالي ارتفاعه

قالت عليك الله ياذيب فراس

تصبر لما بكره يبين شعاعه

قلت اعذريني مالي اليوم مجلاس

والقلب مني داعي الشوق لاعه

قالت مضاربنا بها اقمار واشماس

ماحد ملا عينك من اهل الجماعه

قلت الصراحه فيش لكباد تمتاس

لاكن انا يابنت عندي قناعه

قالت لويش وقلت ياطيب الساس

شفي مع اللي شل قلبي وداعه

سلطان عرش الحُسن معدوم لجناس

الله بايرعاه محلا طباعه

بيني وبينه حب من دون مقياس

على النقا والطيب مابه بشاعه

صُنا محبتنا من اقوال لنجاس

رغم اندفاعي له ورغم اندفاعه

من شانها يابنت في البال هوجاس

والقلب كن شي تحت لضلاع زاعه

قالت بمان الله سيرو ولاباس

عود في الرجعه ولو نصف ساعه

عزالله انك غير اهل التوناس

من مر ديره حط فيها شراعه

قلت الوفا طبعي ولاناب بلاس

مالي بحب المصلحه والنفاعه

حيشا علي مامُر في درب لدناس

نفسي عزيزه ماتحب الخناعه

من حيث امد الرجل ماوطي الراس

حُرً على حُرً من اهل الشجاعه

قالت معك قلبي وروحي ولنفاس

ياللي يعز اليوم عندي وداعه

قلت اسمعي للهرج والهرج نوماس

مافيش لي مطمع ولا بي طماعه

افصحت عن حبي ولاناب جساس

والله على من خان حبه وباعه

حبيت اوضح قبل يتكهرب الماس

ابوصقر ساري لاتنبا ارتجاعه

بقلم / احساس رسام