منتديات قبائل شمران الرسمية - أبتسـم للدمـوع وتنهمـر لابكـيـت

قلت ابكتب قصيده .. للمشاعر ضميـت
وأعزف الحان قافي لين يصبح شعـر

لين صارت قصيده صغتها بيـت بيـت
صاحبنـي دموعـي والقلـم والقمـر

ذكرتني القصائد في غلا مـن هويـت
وإبتدى الدمع يسري من عيوني هـدر

أبتسـم للدمـوع وتنهمـر لابكـيـت
فوق ليل المشاعـر للقمـر وانبهـر !

قال: ليه الدموع ؟ وقلت : ياما شكيت !
اشتكـي لليالـي واشتكيهـا بقـهـر

قال : ياما سمعت وقـال يامـا رأيـت
ليت من هو غلط من غلطتـه يعتبـر

ياعيـون الليالـي مثلهـا ماعطـيـت
كم عطيت الليالي من خيوطـي سفـر

واصلي في حديثك ... بعدني مارتويـت
وابتديـت بكلامـي سارحـه واستمـر

قالوا : الحب بلـوى قلـت يالله نويـت
في جميع المواقف لـي دروبٍ خضـر

غلطتـي بانتظـاره كـل يـومٍ عنيـت
ابتدي به غـرامٍ وانتهـى بـه سهـر

يوم جيت احتمي به ليتني ما احتميـت
بتركـه لليالـي والقضـاء والـقـدر

ليتنـي ماعرفتـه يـوم فيـه ابتليـت
كنت في وسط قلبه بـس حظـي عثـر

اوف مكثر بيوتٍ وسـط قلبـي بنيـت
لين صارت مدينه من حطـام الدهـر !

هذا جور الليالي فـي غلاتـه وفيـت
واخذلتني الليالـي كـل شـي انكسـر

ياقمر قلّه انـي ساكتـه وان حكيـت !
خبـره بالسـلام وبلغـه ذا الخبـر :

طحت من وسط عيني يوم منك انكويت
بس صعبه اردك فـي عيـون السهـر