منتديات قبائل شمران الرسمية

وش تسـوي لو عشقت إنسان ما هو من نصيبك

لا لك بالوضع يد ولا لـــه بها الوضع سبه

وش هو ذنبك لو غدا من بين خلق الله حبيبك

تعرف إن قربه محــــال و قلبك مصمم يحبه

وانته متأكد وعارف يب يجي يوم و يسيبـــك

يعني متوقع بأي لحظه يغيـب و تغتــرب به

كل دربٍ يرحل بطيفه .. على وجهـك يجيبك

كل حـرفٍ يُكتب لغيره .. تحسه منكتب بـــه

كَـــن كِل عيـون خلـق الله عيـونٍ لـه تذيبـك

تنثر إحساسِك جمر ملح وْعلى جرحك تصبـه

و اللي كاسر ظهر قلبك و بشقى الدنيا مصيبـك

عـارفٍ بأنك تحب !!.. و ما يعَرْف إنّـك تحبـه

ساكنٍٍ بأصغـر تفاصيلك و قلبه مـــا درى بـك

ساكنٍ بأقصى معاليق الكيان اللـــــي لعـب بـه

وش تسوي لو مرضت بعشق من وصله طبيبك

و إنت عارف لو ذبحــك العشق ما داواك طبه