منتديات قبائل شمران الرسمية - خلقت في الدنيا وانا مامعي شي وبروح منها مامعي شئ

خلقت في الدنيا وأنا ما معـي شـي

وأباروح منها ما معـي شـي منهـا

قصيدة للشاعر مفرج بن مفرح المشعبي السبيعي

بصوت الاخ عايض الشمراني اهداء للشاعر مبارك بن عثمان

http://www.youtube.com/watch?v=h-o8-...FGGdLK33w#t=0s

قصيده رائعه للشاعر مبارك البخيت السبيعي

قصة هذه القصيدة كان الشاعر مبارك فايز البخيت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سير عليه مسايير من جيرانه وقاموا ينصحونه عند الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه لي بعضهم فقال وشبلاك يالبخيت عسى ما شر هل انت هوجست قال نعم .

سجه مـع الهاجـوس طـــــــبيعـة ٍ لـي
طبيعـةٍ بامـــوت ماجـــــــــــــزت عنـهـا

أشكى على الخـــــلاق وارفع لـه يـدي
لا كثــــرت الأفــــكـــــــار يـفـك منـهـا

أما الكـــرم قــــد فـاز بـه حاتـم الطـي
حتى الفــرس من شان ضيفه طعنهـا

خلوني أكـــــرم في حياتـي وانـا حـي
ولامـــــت مـدري جثتـي مـن دفنهـا

خلـقـــت في الدنيا و انـا ما معـي شـي
وبروح منــــــــهـا ما معـي شـي منهـا

مسكين ياللي تحسب الواجـد شـوي
والعافيـه لـو تنشــــري وش ثمنهـا

يا جاهـل الدنيـا تراهــــا كــمـا الفـي
يا مخبل اللـي فـي حياتــــــــه ومنهـا

إن ناحرت لك قامت تـروح وتجـي
مثـل الذلـول اللـي طويـلٍ رسنهـا

وإن دبـرت خــلتـك طــايـح ومرمـي
وكم واحـد ٍ لـه حاجـــــــةٍ ماضمنهـا

لا بـد ما نرحـل عـــن المـزح والغــي
ونسكن بيـوتٍ قبلـــــــــنـا مـن سكنهـا

النفس مثل الغصن عايش على الـري
ولولاه كــــل النـاس عــــافـت وطنهـا

يا لله عسى الحسنات تقضي على السي
لا قربـــوا للنفـــــس ذرعـــــة كفـنـهـا