|
يا فار لاتلبس ثياب الفيل ! ! ! ! ! !
يافار لاتلـــــــبـــس ثياب الفيل = تجي عليك كــــبــار ووساع ِ . اذا جرى في الارض نهر النيل = ما انتب لـــنـهر النيل قطـّـاع ِ . ان كـــان قصدك للبشر تضليل = ياتيس لاتامن عــصا الراعي . وان كـــان قصدك للبحر تقليل = عز الله انْ عقلك ماهو واعي . جازت لك العـتـمة ياطير الليل = يامـــســتــتـر بلــــثــام وقناع ِ . وينك ووين الــنــقـد والتحليل = ياســـاري ٍ والـــنــاس هجـّاع ِ . يتعبك يامسـكـيـن كــثر الشيل = ويطيح خــشـمـك باسفل القاع ِ . واشـوف لك زمرة ولك تطبيل = ولك بــدرب الــجـــــهــل تبّاع ِ . ناس تســـــــوقك للعنا والويل = مــن طـيـنـتـك يامـال الاوجاع ِ . هـــــــــــذي رسالتنا بلاتطويل = حـاولت اخـف شوي واراعي . ومديت لك بالــمـــــد والزنبيل = وان عدتها باعطيك بالصاع !ِ . . . |
صح لسانك اخوي علي وبيض الله وجهك على
هذه القصيده الجميله والرائعه إعجابي فيما طرحت ياغالي ومزيدامن التألق والجديد |
بيض الله وجهك على هذه القصيدة
لاهنت تحياتي واحترامي |
أشكرك أخي على القصيده
تقبل مروري مصلح الشمــ525ــراني |
احبابي الكرام
اصدقائي الاعزاء: تظل قصائدي دائما اسيرة الظلام حتى تنير بمروركم الكريم . . ــــــــــــــــــــــــــــــــــــــــــــــ لتعقيبكم على قصائدي ريح الورود وطعم العسل . . ـــــــــــــــــــــــــــــــــــــــــــــــــ بتواصلكم الكريم تعلو قصائدي وتتأجج قريحتي واكتب الاجمل . . ـــــــــــــــــــــــــــــــــــــــــــــــ بوجودكم في عالم قصائدي اكون اعظم شاعر واسعد انسان.. ـــــــــــــــــــــــــــــــــــــــــــــــــ لكم تحياتي وقبلها حبي وبعدها شكري وبين ثناياها العرفان بالجميل. |
من اروع ما شفت في الهجاء
بيض الله وجهك يوم تبيض الوجوه اكيد هذا الشخص الذي هجيته من اياهم 00ترا عندنا منهم كثير 000والله ودي ارسلها لهم فردا فردا لاعدمناااااااااااااااااااااااااااااااااااااك |
صح لسانك ولا هنت
وقسيت على من هجيت بس انه اكيد من حرة في قلبك بيض الله وجهك يالغالي تقبل مروري المتواضع سعد ال عدول |
اخوي راجي الوصل صح الله لسانك دووم مبدع ومميز قصيده جميله تحمل معاني مميزه لاهنت يالغالي بيض الله وجهك تقبل خالص الشكر والتحيه |
صح لسانك
قصيده قاسيه وجميله واصل تألقك |
| الساعة الآن 03:22 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية