قصيده منقوله في جميع القبايل
يالله ياخالق اراضين وابحار **** الواحد المعبود رازق عبيده
الخالق الغفار علام الاسرار **** وفرق شعوب الارض في كل يده وابدي واسولف من عذيبات الاشعار **** ابيات شعر والمعاني وكيده اشري وابيع واعرف كيف بختار **** واختار من جزل البيوت الفريده وذ كرتراث وعز وامجاد وافخار **** قبائل تومن بدين وعقيده وصلت حضارتنا على سطح الاقمار **** ابنا الجزير والجزيره مجيده في ظل حكام لهم فعل واشوار **** ال السعود اللي تفك الضهيده نسل الزعيم الحاكم العادل البار **** مجدد امجاد الجزيره بجيده حتى اصبحت حره وحنا له انصار **** في ظل اخو نوره هنوف سعيده وصارت لابو تركي بطوله وتذكار **** والفخر والامجاد تبقى شهيده وخلف لنا املوك لهم فعل واخبار **** الشعب واحد والقياده رشيده والامن بانينه على ساس وجدار **** وقرو على العابث عقوبه شديده وحنا حماة الدار من كل غدار **** وما همنا بطشه وخبثه وكيده قبائل مالحقناهم اوعار **** وعشنا بهذي الدار عيشه رغيده والحمد لله نحمده سر واجهار **** شعب تكاتف من سنين مديده ودون الوطن جيش على كل معبار **** لارفرف البيرق ونادى عقيده بشرق البلاد وغربها دوم حضار **** وارض الشمال اللي نفوده مديده وارض الجنوب اللي تخيضر بالاشجار **** جزيرة فيها القبايل عديده ارض بها قحطان وافين الاشبار **** وياعز منهم بالشدايد بسيده واذكر عتيبه يوم للطيب مغوار **** لا ثارت الهيجا وقرب ضديده وشمر هل الطولات والجود مقدار **** اهل الكرم واهل الفعول الحميده وقوم اعنزه مروين الاخصام الامرار **** اولاد وايل من عصور عهيده ومطير قوم تكرم الضيف لا زرار **** وياويل خصم في حراهم وعيده واذكر قبيلة حرب يانعم الاخيار **** وتاريخهم يحكي سطور مجيده وسبيع نعم القوم ووجيه الاسفار **** زبن الدخيل ليا زبن من طريده واذكر قبيلة يام والطيب يندار **** اهل العلوم الوافيه والرشيده ثم الدواسر تجعل الخصم منهار **** عيال زايد عز منهم سنيده ثم السهول اللي لها الطيب مدرار **** وعن منهج العادات ماهي محيده ثم اذكر العجمان حماية الجار **** والمرجله والجاه فيهم عتيده واذكر بني مره طويلين الاعمار **** ما ينقد المري ولا له نقيده ثم الهواجر لابة تقدح النار **** اهل الركاب اللي خطاها بعيده واذكر بني خالد قبيلة وامار **** قوم لهم في المجد قول ورصيده وبني تميم اللي لها الطيب مصدار **** بني تميم وكل فعل تجيده ثم الزعوب اللي بها الخصم يحتار **** شجعان ماترضى سوا ماتريده العازمي وافي وفي الطيب بيطار **** روحه على كل المصاعب صميده ثم الظفيري في المصاعيب جبار **** والطيب والامداح باصله وطيده ثم اذكر الاشراف بجلال واكبار **** اهل الحجاز اللي تفك الزهيده ثم الهذيلي له مواقف ومندار **** راعي الفخر راعي العلوم السديده ثم البقوم اللي لهم جيش وامهار **** ريف الضيوف ليا لفاهم وليده واذكر ثقيف اللي لهم مجد وآثار **** ومهما حسبنا من كلام نعيده وبلحارث اهل العز بشهود واقرار **** ا لحارثي ياطيب فعله وجيده والمالكي معروف لا صار ما صار **** في موقف اهل الطيب يبذل جهيده واثني تحياتي عدد وبل الامطار **** على سليم وكل خصم تكيده واذكر جهينه هل مواقيف وادوار **** تلقى الجهيني راسم الطيب بيده واذكر بلي والمجدله فعل واظهار **** وتاريخهم يحكي فعول فريده وبني عطيه في المواجيب حضار **** قوم بوقت الجد قوم عنيده ثم الحويطي والكرامه له اشعار **** ثم الشراري له فعول مفيده ثم الرشيدي في الصعيبات صبار **** على علوم الطيب فعله يزيده وباقي جنوب الدار والقاف مادار **** باقي على قلبي كلام واشيده زهران نعم القوم في وقت الاضرار **** والخصم عينه من لقاها سهيده والغامدي معروف له عزم واصرار **** راعي المراجل والعلوم المفيده وشمران قوم والجمايل لها اطوار **** وبلقرن سم للقلوب النكيده والاكلبي والمحلفي مابعد بار **** والحارثي طيبه وفعله يشيده وبني شهر وبني عمر سيف بتار **** قوم على الاخصام نار وقيده والاسمري والاحمري صيتهم سار **** بين القبايل والمواقف شهيده واذكر عسير الهول ذربين الاذكار **** وابها احتموها فالسنين الشديده وادهم والصيعر على حد الاقطار **** يحمون حد الدار من اللي يريده وامشي مع الساحل مع جمله افكار **** رسمتها والطير زان اتغريده وانزل على جيزان تاريخ واديار **** ورجال فيفا والقبايل عديده وارجوا العذر واهل المواجيب عذار **** الي نسيته مانذكر في القصيده الواهبي عدد ابيوته بالادوار **** من شاعر ماشل قلبه حقيده شهران ربعي هم هل المدح والكار **** واهل الكند واهل السيوف الجديده يوم البلد مايامن الزند لاثار **** زيزومنا ابن مشيط نعم الوليده فالجهل شجعان وفي السلم تجار **** من بطن بيشه للتهم لارفيده حبيت ابين موقفي بين شعار **** وارجوا سموحتكم على ذا النشيده ماحب انافق واتعنصر تعنصار **** ولا ني باطيع اهل العقول البليده ما كل من طب البحر قيل بحار **** وما كل من شل الفشق جاب صيده فالشعر بستان به ورد وازهار **** واللي تعداها بيوته فقيده واقولها في الشعر تكرار وامرار **** ضرف بلا عنوان يلغى بريده وبعض السوالف له مواقف ومحضار**** وشعر بلا معنى لزوم نبيدة وصلوا على المرسول شفاع الابرار**** محمد الهادي وقدوة عبيده مــــــــــــنقـول |
اللهم صلي وسلم عليه
وشمران قوم والجمايل لها اطوار **** وبلقرن سم للقلوب النكيده اشكرك على نقلك لهذه القصيده الرائعه |
ومطير قوم تكرم الضيف لا زرار **** وياويل خصم في حراهم وعيده
تسلم على هذا النقل وتسلم يمينك |
اخت دانه شكراً على مرورك
|
اخوي السفاح الله يكفينا شرك شكراً على مرورك
|
الله عليك رائع
تسلم والله ع هالنقل تحياتي الشهراني |
اخوي الشهرانيس شكراً على مرورك
اخوك شاعر بلا هويه |
وشمران قوم والجمايل لها اطوار **** وبلقرن سم للقلوب النكيده
تسلم عالنقل الحلو تقبل مروري اختك: حلا شمران |
حلا شمران شكراً على مرورك
اخوك شاعر بلا هويه |
أشكرك أخي شاعر بلا هوية على القصيدة الجميلة
ولكن القصيدة مكررة وهذا هو الرابط http://www.shmran.net/vb/showthread.php?t=3477 تقبل مروري لا هنت |
الساعة الآن 03:32 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية