منتديات قبائل شمران الرسمية - الحب يمكن يكون آخر محطاتي❤️️

- بـوح الـقـصيد للشعراء الأعضاء (http://vb.shmran.net/forumdisplay.php?f=7)

- - الحب يمكن يكون آخر محطاتي❤️️ (http://vb.shmran.net/showthread.php?t=62113)

الحب يمكن يكون آخر محطاتي❤️️

https://i.pinimg.com/originals/21/2f...6f1f2af247.gif

تمرد الجرح والا الشعر متمرد
ما يندرى من هو اللي جاب عثراتي
أخفي حظوري ولاني فيه متعمد
مدري وش اللي حصل ما هي بعاداتي
أقول ماني على هاالصمت متعود
يا ثورة الصمت ما هذي طموحاتي
الهاجس اللي بذاك الخوف متوسد
لا بد يشبع جنونه كل رغباتي
ما كان غيري يحب الحب ويغرد
وأظن ما كان يبكي غير عبراتي
الوصل بين الورق والحبر متجمد
ما صار حتى القلم يكتب معاناتي
ما زلت بالذكريات أهيم وأتردد
وأحاول أبني جسور الوصل في ذاتي
يا قلبي اشبع حنين وشوق وتوجد
واعبر بي البحر واركب موجه العاتي
ما زال فيني شعور الحب يتجدد
والحب يمكن يكون آخر محطاتي
يا صحبي الجرح مهما كان يتضمد
ويطيب لكن تموت أجمل عذاباتي..

الشاعر مزهر الشهري