منتديات قبائل شمران الرسمية

قصيدة معبرة
الله من جفن عن النوم محروم
قلبة رجف بين الضلوع النحايف
حاولت انام وﻻ تهيا لي النوم
النوم والهاجوس ماهم ولايف
ما تستريح العين والبال مهموم
ولا يستقر الحال والقلب خايف
تدرون ويش الي جفى لذة النوم
ذكري ليوم الآخرة والصحايف
تكفون ياربعي توبوا من اليوم
وتذكروا من صار بين اللفايف
والأخرى يقول فيها :

لا تشتكي للناس لو كنت مطعون
والذم من بعض الخلايق مديحة
ولا تنحني للهم وتعيش مغبون
المستريح أهل العقول الصحيحة
لا صرت صادق قالوا الناس مجنون
ما يمدحون إلا النفوس القبيحة
وخلك صمود بوجه الأيام موزون
وما حرم الله إثم لا تستبيحه
والكبر لو به فايدة فاد فرعون
ومن ذاع سره بشّره بالفضيحة
والله لو يعطون لك مال قارون
ما شفت نفسك بالغنى مستريحة
انفض هموم القلب وإبليس ملعون
وإن ضاق صدرك أرض ربي فسيحة
اضحك وفل حجاجك ويش فيك محزون
دنياك ما تسوى وخذها نصيحة
وإن كانوا أصحابك يظاهون مليون
نق الوفي منهم وخل النطيحة