الناس ما خلقت حواليك ترضيك
 

الناس ما خلقت حواليك ترضيك

مثلك مقادير الولي تعترضها

أخير لك لا تندفع في هقاويك

تلمّس الاعذار .. ولا افترضها

ما فيه شي إلا ليا راد واليك

ولا فيه صعبه كان ربك فرضها

اللي ما تقسم ماتجي في مراميك

لو كان تلحم بندقك وتحفظها

ورمي الركاده غير رمي التماتيك

والفرق في هذي.. وهذي غرضها

اكحل عدوك من سعادة مصافيك

ولا يشغلك غيب القلوب ومرضها

يظهر صديقك ويتبين معاديك

كذا الحياة بما تلاقيك خضها

وسّع مفاهيمك .. وجوّد مباديك

وكرامتك عن ما يشوب انتهضها

دايم جناحين المعـــزّه تعليك

بالك لحاجات النفوس تخفضها

إلا الوفا خل الوفا في مساعيك

عملة رجال اتعدها وتحفظها

ياصاحبي في وقفتك كيف أجازيك

وأنا أدري إنك ما تدوّر عوضها

ما يجعل الأحرار مثل المماليك

إلا معاريف الرِّجــال ببعضها



الشاعر عكاش العتيبي

رد: الناس ما خلقت حواليك ترضيك
 

رد: الناس ما خلقت حواليك ترضيك
 

رد: الناس ما خلقت حواليك ترضيك
 

رد: الناس ما خلقت حواليك ترضيك
 

جزاك الله خيرا على ماقدمت من فائدة
شكرا لك
جعلها الله في ميزان حسناتك
دمت برعاية الله