منتديات قبائل شمران الرسمية - راق المراج وزانً بدع الطواريق

- المنقولات الأدبية (http://vb.shmran.net/forumdisplay.php?f=153)

- - راق المراج وزانً بدع الطواريق (http://vb.shmran.net/showthread.php?t=46207)

راق المراج وزانً بدع الطواريق

راق المزاج وزان بدع الطواريق
يوم التقاعد صدروا لي قراره

الحمد لله راح عن قلبي الضيق
والنفس طربت عقب ذيك الكداره

ماعاد باقي هم للسجه يعيق
طاب الجناح اللي شكيت إنكساره

عشرين عام وعشر ولهن لواحيق
مضيتها بين إستلام وخفاره

والحصه القشرى قبل فكة الريق
وهرول على الميدان تاره وتاره

قضيتها بين الوجيه المطاليق
أهل الشيم وأهل الكرم والنعاره

مرت وعدت بإذن ربي توافيق
والشيب لاح ومعه زدنا وقاره

واليوم مشرافي بروس الشواهيق
خلاص أبا أبعد عن مجال الحضاره

أبا اتسلى بين غرب وتشاريق
في خايعٍ يجذب بروعة خضاره

غير أم سالم فيه تعزف طواريق
وراعي نياقن بالخلاء شب ناره

ونزل من العزبه دلال ويباريق
وعجل قبل يجلس بغسل الغضاره

لأجل الحوير نايمٍ وأمه مفيق
وقريب ترزم لا تباطت إحواره

لا يابعد جو المدن والمطافيق
يشوقني لو فيه برد وحراره

ودي أعيشه بالليال الملاحيق
وأرجع لجوٍ شاقني من صغاره

ذاك الزمان اللي يتل المعاليق
حبه بقلبي مستحل الصداره

هذا شعور اللي كتب للمخاليق
أحلا وداعيه نظمها بجداره

وله حاجةٍ من دونها عايق يعيق
يصيدها اللي يكتفي بالإشاره

كنه على الهقوات ما باقيٍ ضيق
باكر يجوني ينقلون البشاره

وختامها توقيع وثق بتصديق
توقيع متقاعد توزع قراره

ابو فارس/ سلمان عوده السبوت العطوي
24 / 11/ 1438