منتديات قبائل شمران الرسمية - يابنــت ياللي تسـألينــي أنــا مين

- الخواطر والقصص والروايات (http://vb.shmran.net/forumdisplay.php?f=9)

- - يابنــت ياللي تسـألينــي أنــا مين (http://vb.shmran.net/showthread.php?t=27719)

يابنــت ياللي تسـألينــي أنــا مين

يابنــت ياللي تسـألينــي أنــا مين
و وش قصــة الدمعــه ومعنى الكأبه

هاتي قلم بكتب من الشعر بيتين
ودوك الورق .. تلقيـن فيه الاجابه

انا الغريب .. اللي بدا رحـلة البين
رآحل سرا من دون ياخذ زهابه

انا الجريح .. اللي بكى ناس غالين
مجروح قلب .. ومايل الوقت صابه

انا الاسير .. اللي وقف بين نارين
نار الفراق .. ونار شخص يهابه

انا الفقير .. اللي مشى سكة الدين
عفيف مايشكي على الناس مابه

والدمعه اللي عذبت محجر العين
حرف قريته .. يوم جاني جوابه

مكتوب فيه : القلب ماهو لشخصين
فيــك ابتدا حبــي .. وفيــك انتهابه

وكآبتك !! لامن غدا الوقت بك شين
وجف الوطن !! والجــو مابه سحابه

يابنت ...! وش لك بالعنــا والعناوين !
وش لك بشخص مقفيات اركابه !

ولاتسأليني ياحزن ... انت من وين !!
راحل غريب وتاه .. محدن درابه

يابنت زوري بس شط المحبين
وتلقين فيه الاسئله والاجابه