منتديات قبائل شمران الرسمية - قصيده بين الامير خالد الفيصل والامير محمد بن احمد السديري

السلام عليكم جميعا
هذه قصيده كتبها الامير خالد الفيصل
واجاب عليها الامير محمد بن احمد السديري
قال الامير خالد:

ياقلبي اللي من هوى البيض معتاذ
واليوم اشوف الوجد والشوق بذه
حسبي على اللي للمواصيل جذاذ
حبل المواصل بيننا البعد جذه
يسقى لين منازل العود رذراذ
يلقى بها ظبي الطعاميس لذه
الصاحب اللي عن هوى القلب مالاذ
لاقلت دوك القلب يازين غذه
ولانيب من هرجة كثير وهذاذ
ماشاف في ليلة نهاره يهذه
عساك تاتي لي ياابو زيد بانقاذ
قلب تحذي الشور ياخوك حذه

فاجابه محمد السديري:

اسهر بطول الليل واغضي على الحاذ
وعن الصديق القلب مافيه شذه
شكواك خلت بسرة القلب تنحاذ
ولاعاد في قلبي من الصبر فذه
اللي يابو بندر جعل قلبك افلاذ
مشربك يا ممدوح الافعال عذه
طفل سهم عينه لاعماق نفاذ
والحق عليك بقذه عقب قذه
ان كان مالك فيه مدخل ومنفاذ
له الشبك في مدهل الصيد بذه
وليا دخل وسط الشبك ياابن الافذاذ
غوجك لساعات المهمات حذه