منتديات قبائل شمران الرسمية - راعي الضيعات

راعي الضيعات خل اهل الضياعي
وافهم اقوال الحكم واهل الجماله

وانت مقروعن ودون ايدك ذراعي
لين تعقل من علوم اهل الجهالة

خل شاعر يحترف سود المساعي
لين صارت درعه ويا سود فاله

يشتهر بالقول والفعل السماعي
لا تكلم تحسب انه في ثماله

كلمته ماتشبع بطون الجياعي
والكلام اللي يقوله صار عالة

يا عمامة شيخنا والشيخ راعي
مانزلتي للرعية عن عقاله

كم تحملتي صعابٍ للشجاعي
والشجاع اللي ضرب سوق الصمالة

كن بينك بينها علم و دواعي
والتحدي بينكم لجل الزمالة

ترتقين ويرتقي لك في سراعي
وارتقيتوا فوق عالي من مناله

وباعمامة جاهلن سود الطباعي
لا حكى بين العرب هرج النخالة

يكرهونة لنّه اللي ما يراعي
مايفررق من حرام وعن حلاله

يصنع الكذبات يبدعها صناعي
لين قالو الناس ذا صادق قوالة

كم تكذبنا الهروج اللي تشاعي
لين صاروا يشهدون انّا دجاله

يحسبون هروجهم تغسل شراعي
مادروا اني اصمٍ في المقالة

اذني اذن افعى وعيني للضباعي
واللسان لسان شاعر لأرتكى له

لا تطيع العلم والهرج المباعي
واستمع قول التجارب والدلالة

طعنتٍ صابت جنوبي في ضلاعي
والألم من خنجري يضيم حاله

كم تحاسبنا وفزنا بإنقطاعي
مااستفدنا من نقاش الا خبالة

والصياح اللي يزيدك بالصداعي
والعلوم المظلمة زود الهباله

واتفقنا صاع بنّه غير صاعي
كل واحد مننا يشرب دلاله

تكتشف ان الحياة تلبس قناعي
مستحيل انها تصارحك استحاله

كل يوم تخاف وتزيد امتناعي
والصبر بك زاد وابعدت العجالة

راعي الضيعات خل اهل الضياعي
وافهم اقوال الحكم واهل الجماله