منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   بـوح الـقـصيد للشعراء الأعضاء (http://vb.shmran.net/forumdisplay.php?f=7)
-   -   (( دمعة يتيم )) (http://vb.shmran.net/showthread.php?t=4563)

ناصر الحارثي 01-16-2008 06:44 PM

(( دمعة يتيم ))
 
[align=center]
ياناثر الدمعه على خدك اتباع
بعض الدموع اشوي وشوي وتطيح

ماهو دليلٍ تنكشف فيه الاطباع
واكبر دليل اسأل دموع التماسيح

لكن دموع اللي وراء حدب الاضلاع
يجي لها وسط الضماير تجاريح

والا اصدق الدمعات من حر الاوجاع
اللي ترق لها قلوب المشافيح

دمعة يتيمٍ لامست يابس القاع
وافطر لها من صدقها يابس الشيح

والا الدموع الباقيه عدة انواع
حب وفراق وحزن واحيان تلميح

تعال ونس خاطرٍ منك ملتاع
له مدةٍ بين الوله والتباريح

له مدةٍ لاهب للنود ذعذاع
يومي كما غصنٍ تلاعب به الريح

جيتك يابو نعسٍ خدر واوساع
ينبت لها الخفاق روض ودواويح

ويصير لك موطن ومدهل ومرباع
محميته تفتح بليا مفاتيح

وليا استويت وصرت مالك وزراع
اقطف ثمر حبٍ غصونه مطاريح

قدام يومٍ تصبح انصافك ارباع
وتصبح مراويحك من اول مساريح

يوم حسابه تنقلب فيه الاوضاع
الايام حبلا والليالي ملاقيح

ومن عقبها لو دمعتك تروي القاع
ماباحك اللي كنت زلاته اتبيح

ناصر علي الحارثي ( هداج )
[/align
]

بلقاسم الشمراني 01-16-2008 06:58 PM

صح لسانك

يعطيك العافية

لا هنت

عبدالله علي بركي 01-16-2008 08:17 PM

الاخ ناصر 0

اسمحلي بكلمتين فقط 0

اشهد الله انك مبدع 0

تقبل مروري مع اعجابي بالقصيده 0

ابونايف الشمراني 01-16-2008 08:22 PM

دمعة يتيمٍ لامست يابس القاع
وافطر لها من صدقها يابس الشيح

والا الدموع الباقيه عدة انواع
حب وفراق وحزن واحيان تلميح

تعال ونس خاطرٍ منك ملتاع
له مدةٍ بين الوله والتباريح

له مدةٍ لاهب للنود ذعذاع
يومي كما غصنٍ تلاعب به الريح

ــــــــــــــــــــــــــــــــــــــــــــــــــ ــــــــــــــــــــــــــــ

الله يجمل حالك أخي العزيز الشاعر (ناصر الحارثي)

الابداع عباره عن لوحه جميله يعشقها المرء من أول نظره وانت رسمت بهذه القصيده أجمل لوحه
فيها من المناظر الخلابه والجميله من خلال ابيات القصيده مايجعل القارئ يستمتع بما يقرأ (حتى لوكانت تحمل معاناه)


أهنيك أخي ابوعلي على هذا الابداع واتمنى لك مزيدا من التوفيق
وارجواان لا تحرمنا من ابداعك الشعري في هذا المنتدى بين اخوان واصدقاء لك اعزاء


تقبل تحياتي والله يحفظك
أخوك: ابونايف الشمراني

ناصر الحارثي 01-16-2008 10:25 PM

المهندس/بلقاسم


بيض الله وجهك على هالتواصل


لاهنت يالغالي

بوح القصيد 01-18-2008 03:30 PM

بيض الله وجهك اخي الكريم

صح لسانك وعلا شانك ولا هنت

دام نبضك ونبع حرفك

اخوك/بوح القصيد

ناصر الحارثي 01-19-2008 04:50 PM

عبد الله بن بركي



مرحبا ومسهلا



اعجابك على راسي



لاهنت يالغالي

سعيد بن منجية 01-19-2008 08:36 PM

الله الله شي جميل ويعطيك العافية

واتحفنا دايما

عايض الشمراني 01-20-2008 01:34 PM

وليا استويت وصرت مالك وزراع
اقطف ثمر حبٍ غصونه مطاريح

قدام يومٍ تصبح انصافك ارباع
وتصبح مراويحك من اول مساريح

يوم حسابه تنقلب فيه الاوضاع
الايام حبلا والليالي ملاقيح


تسلم الأيـــــــادي على كل حرف خطتها

وصح لسانك ولا عدمناك اخوي

قصيده رائعه بكل ما فيها من معاني

ننتظر جديدك

ادامك الله بكل سعاده

دانة شمران 01-20-2008 01:40 PM

دمعة يتيمٍ لامست يابس القاع** **وافطر لها من صدقها يابس الشيح

صح لسانك وبارك الله فيك


الساعة الآن 09:23 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية