منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   الخواطر والقصص والروايات (http://vb.shmran.net/forumdisplay.php?f=9)
-   -   الحلقة الأولى ...مذكراتي (http://vb.shmran.net/showthread.php?t=2725)

قصة نايف 11-14-2007 08:41 AM

الحلقة الأولى ...مذكراتي
 
بسم الله الرحمن الرحيم



جميعنا يعلم كم هو جميل ان نكتب ذكرياتنا وماضينا وكيف نعبر عما نعيشه من لحظات وشعور ولو حتى بكلمة واحد فهي حتما ..... سوف تعني الكثير

فمنا من يسرد ذكرياته في اوراق ودفاتر ... ومنا من يتحمل عبئها في عقله ومخيلته وقلبه على طول السنين

ولكن سؤالي... من يستطيع ان يبوح بسر قد اخفاه بالأمس؟؟
او يرجع بصفحاته الى الوراء ليتذكر اسعد اللحظات اللتي عاشها امام الملأ؟؟

لا اخفي عليكم بأن مذكراتي هي بسيطة في معانيها وتحمل الكثير والكثير من الجمل والعبارات المبهمه

اللتي لا يفهما سوا شخص واحد .... الا وهو أنـــــــــــــــــــــــــا

وتحمل الكثير من القصص واليوميات ...فمنها ايام كانت بالفعل سعيدة ومنها ...ايام فارقنا بها

اعز الناس وودعناهم تحت الثرى ((رحم الله موتانا وموتى المسلمين))

ولكن .... كان هناك جزء مضييء في مذكراتي يعتبر هو الأجمل ..والأطرف..والأصدق ...بين سطورها

لأنه كتب بأغلى الأحبـــــــار ..

كتبت بماء الورد كل لحظة عاطفيه وشاعريه

كتبت بدمعي كل موقف حزين بها

وكانت عبارات النهاية بحبر ((دمي)) .... نعم دمي

دمي الذي يحمل حروف اسمها.....دمي الذي يضخه قلبي الذي ينبض ((بحبها))

هذا الجزء الذي اعتبره انه سمفونية حياتي ... فكان لحن الغضب به ..صوت موج البحر الهائج... ولحن السعاده

كان صوت الأشجار عندما تهب عليها نسمة باارده في حديقة خضراء..

هذا الجزء هو ((قصة نايف وعذبة الشفايف))
كان ياما كان في قديم الزمان ... واحد من الناس اسمه ((نايف)) وعمره 24 سنه ... وحيد امه وابوه

هوايته المفضله لعبة البلياردو ...وبعض الالعاب الرياضيه الثانيه... انسان يحب الضحك والفرفشه ...مجازف الى حد الجنون

يموت في شي اسمه سفر ((طبعا داخل المملكه)) ويحب يكتشف كل شي بنفسه ... يعشق الرومنسيه .. وفيه شويه من الغرور

واغرب ماكان في ((نايف)) انه يحب لغة العيون وأول مايجذبه في الناس ((نظراتهم))

اخونا بالله كان شاطر في الأبتدائيه .. زي كثير من الناس ... ولمن وصل الثانويه اتخرج بنسبه ضعيفه

والمشكله انه كان باني طموحات واهداف كثير في حياته ... ومنها انه يصير في يوم من الأيام ظابط في المباحث ههه

(((يوم نتايج الثانويه على الأنترنت)))

راح الكابتن مع خوياه كالعاده عشان يشوف اذا النتايج نزلت ولا لا... والمشكله انه ماكان يذاكر ..كل حياته مع

الأصحاب ... من صالة بلياردو الى صالة بلياردو ثانيه... وهمه في ذاك الوقت انه يكون من ابطال جده .. ابشركم صار من

ابطال جده...بس قصر في الدراسه ...المهم .....

يوم وصل المقهى دخلو خويانه كلهم وهو ولا على باله النتيجه .. يحسب انه راح يكون متفوق هههه... وشوي ناداه

خويه ...ناااااايف... تعال.... وش ذا؟؟؟ يا ولد انت ماراح تنقبل في اي مكان بذي النسبه ... صراحه كانت اول صفعة كف

((لنايف)) عشان يصحى.... وصار مسكين يفكر ... ويقول انا وش سويت في نفسي؟؟... سياره ..وكان عندي احسن سياره..

فلوس ... الحمدلله حالنا مستور ....انا وش اقول لأهلي؟؟ .... ولدكم الوحيد فاشل؟؟ ... ولدكم الوحيد راح يجلس في البيت؟؟

المهم... مسكين مالقا قدامه الا انه يرجع البيت اخر الليل وياخذ ملابسه ويهج بعيد عشان يفكر وش يسوي..

دخل نايف البيت اخر الليل واخذ ملابسه بالفعل ... وكتب ورقه لأمه وقال فيها ((رضيت انا بردى حظي وحظي مارضى بيا))

وشغل سيارته ومشي بلا هدف... فلوس معاه....سياره معاه... لكن هدف ... ما معاه...

(((مكه وأول سنه في الصيدله)))

نايف رجع لأهله بعد ثلاث شهور بعد مارفع معدله 7 نسب ...رفعه بأختبار القدرات...اخونا صحي واختبر القدرات وجاب

94 بالميه ...اعلى من الأول على المدرسه اللي درس فيها الثانويه ...يعني شوي اثبت نفسه... مانطول عليكم

في قصة الدراسه ...بس المهم انه صار ولد ما يحتاج ... وابشركم هو الأول الحين على القسم والثاني شمراني

وخويه يعني الله فكها عليه من واسع رحمته ...المهم... كان عزوبي في مكه .. وكان من البيت للكليه ومن الكليه للبيت

وعنده لاب توب لكن ما يفتحه سوا عشان يسمع اغاني او يدردش مع خويانه في الماسنجر ..وحبه حبه ... صار يدخل الشات

ويتعرف على بنات وشباب .. واللي يعجبه يضيفه على الماسنجر .. ويدردش معاهم كل يوم ... بصراحه كان ماخذ

الموضوع وناسه((تسليه)) وكان من احسن الناس اللي اتعرف عليهم ..(عبدالله) ...(علي)... (انس) من المدينه..وبنت وحده

كانت تتغير كل اسبوع ... يعني يسولف معاها ويشوف معدنها ... واذا ماناسبت له او طلعت حقة مصلحه ...اعطاها

احلى ((بلك)) ودور غيرها ...انا جالس اتكلم بمنتهى الصراحه...المهم

((اسألة انس المحرجه))
كانوا الثلاث اللي قلت لكم اسمائهم ... اصحاب نايف اللي عمره ماشافهم ...بس مجرد معرفه ماسنجر لكن طويله

يعرفهم من قبل 6 شهور ...بس صراحه كانوا ومازالو ا الى حد الأن نعم الأصحاب ..((الآن لنا 4 سنوات نعرف بعض))

في يوم من الأيام ..يعني هذيك الأيام قبل 4 سنين ...ما كان على الماسنجر سوا ((انس)) ..و...((علي))

وجلس ((نايف)) يسولف معهم ويجول في اطراف الحديث معاهم .. وكان موضوعهم عن البنات ...

بس كان ((نايف)) ..و..((على)) يستحون من انس لأنه كان ملتزم ..يعني ما يحب هذه السواليف...

وشوي ...خرج ((علي)) وبقي ((نايف)) مع ((انس)) .. يسولفون عن الدراسه وعن مستقبل الشباب

صراحه نايف كان معجب بكلام ((انس)) مره كثير .. لكن كان الحاجز الوحيد اللي بينهم ... ان ((نايف)) كان

ماهو مطوع... بس مو دااااشر....

المهم...وفي نص كلامهم مع بعض جا فيلم امريكي رهييييب ((ساعة الذروه)) واستحى ((نايف)) يقول انه لازم يخرج

لكن بدأ ((انس)) يسأل ((نايف)) اسأله محرجه .... تعرفون انتم اسألة المطاوعه كيف ههههههههه

قال (انس) : ليه يا نايف تتعرف كل اسبوع على بنت؟؟

قال (نايف): ياخي انا مو مطوع وانت عارف من اول لا تسوي نفسك انك متفاجيء

قال: انا عارف انك مو مطوع الله يهديك بس ابغا اقولك انك اللي تسويه غلط

رد (نايف): الله يهدي الجميع

قال (انس) :الى الحين كم وحده عرفت؟؟

رد (نايف) : عرفت كثير بس والله والله والله ماحبيت ولا وحده ولا عمري كذبت على وحده فيهم بس مجرد صحبه

واشوف معدنها وبس

قال (انس) :انت تبي تتزوج وحده تعرفها من قبل؟؟

قال (نايف): لا.. بس والله ادور حب ياخي ..والله ادور حب... انا فيني طاقه عاليه من المشاعر ونفسي افرغها

في انسانه تستاهل

قال (انس) : الله يرزقك ببنت الحلال اللي تسعدك وتبعدك عن كل حرام

قال (نايف): آمين ((قصده زواج طبعا))

قال (انس): طيب ممكن سؤال اخير؟؟

قال (نايف): اتفضل

قال(انس): كيف تعرف معدن البنت؟؟

قال (نايف): مجرد احساس .. من كلامها .. من اطباعها .. من طريقة حياتهم في البيت... اشياء كثير .. وكمان ياخي

اغلب بنات هاليومين حقين مصلحه ..يا تقولك اشحن ..او تقولك غني لي..او تقولك اكلمك بعدين ابوي يتصل .. وهي تكلم

غيرك((((((طبعا مو كل البنات كذا))))))) سلامة الطيبين فيهم

قال (انس): ياخي انت ماتدخل جوة قلوب الناس وتعرف وش فيه داخلها ... الخ ... وسوا المطوع قصه طويله

عريضه ل((نايف)) وما خلاه يقدر يتكلم ...واثبت المطوع ((انس)) ان كلام نايف غلط في غلط...وطبعا أول شي

((نايف)) سواه ...... اقوى ((بلك)) ارض جو ههههههه للمطوع الغثا



(((((المفاجئه ...انت (بنت)؟؟؟؟؟)))))

نكملها الحلقه الجايه من يوميات ((قصة نايف وعذبة الشفايف))




اشوفكم على خير الأربعاء المقبل

((اللهم كما تفرقنا خوف معصيتك..فأجمعنا في الأخرة في جنتك))

قصة نايف 11-14-2007 08:43 AM

ارجو كتابة تعليقاتكم بكل شفافيه....فانا استقبلها بصدر رحب

اخوكم المحب

((قصة نايف وعذبة الشفايف))

صبي الروحاء 11-14-2007 10:27 PM

لو ادري ان اسلوبك مشوق كذا
كان من زماااااااااان تعرفت عليك

الله يديك العافية وفي انتظار الجزء الثاني ولا راح اسأل احد
عن قصتك ابي اقراها هنا في المنتدي

تحيتي لك

بحرالعلوم 11-14-2007 10:46 PM

يعطيك العافيه على هذه الخاطرة الجميله يالغالي

شمس الاصيل 11-14-2007 11:03 PM

يعطيك العافيه

وننتظر الجزء الثاني


مشكور يالغالي

تقبل خالص تحياتي وتقديري 00شمس الاصيل ++

طيوف 11-15-2007 01:53 AM

ايها الامير

ي ــآآآصاحبـ الـ ق ــلبـ الكبير

قـ ص ــتكـ اع ــجزتـ احرفيـ منـ الظهور

فاختفتـ خلفـ س ـــتار منـ الـ خ ــجلـ

لاتـ ع ــلمـ ماذا تحدثـ او ماذا تـ ق ــولـ




(نايف)

ننتظر البـ ق ــيهـ بشووقـ كبـ ي ـــر

فاتمنى انـ لاتتركنا ننتظر كثـ ي ـرا

لكـ خ ـــالصـ مودتيـ وش ــكريـ

تـــ ح ـــيآآآآتيـ

طيوووووووووف

علي بن محمد 11-15-2007 01:58 AM

قصة نايف


تسلم يمينكـ على طرحكـ الحلقة الأولى

بصراحهـ بدايهـ تجذبنا لرؤية الحلقهـ الثانية

لك مني الاحترام والتقدير


دمت كما تح ب

قصة نايف 11-15-2007 06:33 AM

صبي الروحاء .. بحر العلوم ..شمس الأصيل ..طيووف..رحال الجنوب

شكرا على مروركم وانتظرو اجمل لحظات عمري

((قصة نايف وعذبة الشفايف))

نمر الروحاء 11-15-2007 08:23 PM

مشكووور اخوي ((قصة نايف وعذبة الشفايف))


من جد قصة اكثر من رائعة ودخلت جو معاها...


اسلوبك جداا جداا جداا يجنن :roflmao:


وتسلم يمينك يالغالي


بانتظار الجزء التاني:wink:


دمت بعافية


تحياتي
ph 3bood

قصة نايف 11-16-2007 07:59 AM

الرائع مروووووورك يانمر الروحاء

والجاي احلى واروع بالنسبه لي وانشالله لكم


((قصة نايف وعذبة الشفايف))


الساعة الآن 02:29 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية