منتديات قبائل شمران الرسمية - رديه بيني وبين الشاعر ابو ماجد زهير بن مداوس

لاقال ابو ماجد من الشعر الابيات
اخليت جو الفكر وامعنت فيها

مايبدع الا من سمان وجزيلات
كن الجزاله دلتن محتسيها

تلقى ف شعره للمراجل علامات
وخيل الحكم لاحولت يمتطيها

ماهو بشاعر من رموز الدعايات
اللي تشوف الشعر صنعة يديها

وان عودت للصح لاراحت وجات
سلعة قليل العرف ماحدن يبيها

ويدرى على ربعه بفعله مدارات
وده بروحه والولد يفتديها

ويدمح خطايهم على فايتن فات
وده يجيه الباس قبلن يجيها

من روس قومن قسمهم ف الزعامات
اخصامها فوق اللهب تشتويها

من روس شمران العصاه المسمات
ال حارثيه طاب من ينتخيها

درعن لنا وحزامنا في المهمات
ياسعد منهو في اللزم ينتصيها

حلو على روس الرجوم الطويلات
لين الرجوم تميل مما عليها

ثقال بالفزعه وخوض الصعيبات
لاقبلها بالعز ولاحدن يليها
يوسف ال عساف الشمراني

يامرحبا تقطع طوال المسافات
تاصل كريماً بالوفاء محتريها

اللي خذى مابين الاجواد رايات
رايات طيب وكل وافي يبيها

وافي تعلى بالوفاء عشر مرات
المرجله باغلا الثمن يشتريها

هذاك بن عساف راعي المروات
عذب القوافي عادته يهتويها

اقولها من صدق ماهي مراوات
قول الحقيقه كلمتي يحتويها

مااقولها من باب رد الجمالات
اقولها واشهد بها واعتنيها

من ربعنا قوم الوفاء والشهامات
كل المواقف فعلها معتليها

تاريخ سجل بالذهب بالسجلات
والله لو طال الزمن ما نسيها

من روس قوم تشتري كل قالات
قالات وافعال الوفاء ننتشيها

قوم لبن حوفان قوم انتصارات
ماتعرف الذله مع معتديها

اعيونها بالحرب تقدح شرارات
وبسلمها شربت عسل تهتنيها

لأهل الوفاء نرفع سلام وتحيات
ربعي عسى درب الدنا مايجيها

زهير بن مداوس الشمراني ابو ماجد