منتديات قبائل شمران الرسمية - من أجمل القصايد لاتفوتك

كل مافاضت عيونـي باشـت الاضـلاع غنـا
الموارد في الضلوع وكل ضلع(ن) فيـه ونـه
والتمنـي مايحقـق هقـوه القلـب ان تمـنـا
بـس قلبـي مايدانـي تبعـد الهقـوات مـنـه
واووجودي وجد من جلي عـن ديـاره مجنـا
تو عمـره عشـر واربـع والليالـي ماتحنـه
ماوراه الاعجـوزه واختـه وعـود(ن) مسنـا
بين فقر وبين ديـن وبيـن ظيـم وبيـن منـه
ماذبحهم غيـر دمـع(ن) مـن الغبينـه مايكنـا
ويل مـن سـود الليالـي بالمصايـب يبتلنـه
راح مثل الذيـب وهبلتـه حيـاه الذيـب ظنـا
وامن(ن) والموت يومي بيـن مخلابـه وسنـه
راح ينقـل دم قلبـه وان ضـواه الليـل ونـا
الذيابـه مروحاتـه والسـيـووف يـدورنـه
لاذكـر دم القرايـب عانـق البـيـدا وثـنـا
وان تذكر ضحكه امـه زاع قلبـه مـن مغنـه
مايلوعه في حشـاه الا لشـاف البـرق يتسنـا
غاب عشر سنين مابه مـن يـرد العلـم عنـه
ان حداه الخوف منـا هـزت الاشـواق منـا
يوم طال الوقـت عـود للديـار اللـي ربنـه
قـال مــادم المـذلـه والـبـلاوي يبتلـنـا
والله ان الموت في الاوطان بين الربـع جنـه
يوم وقف في المنـازل مالقـى بيـت(ن) مبنـا
غيـر بيـت(ن) للهبايـب والـذواري يلعبنـه
راح يمه كنه اللـي ضاربـه رمـح(ن) مطنـا
وا عذابـه مـادرى ان سهـوم بقعـا يحترنـه
يوم قرب سمع له صوت(ن) من العلـه يحنـا
حصل امها عندها ضيف(ن) يقول الموت كنـه
قال يمـه قالـت عيونـي مـن الدمـع يعمنـا
قال ابوي وقالت طوال النصايـب قـد خذنـه
قال واختي قالت اقفى القوم بأختك مـع ظعنـا
قـال ربعـي قالـت سنيـن المجاعـه فرقنـه
قال جيتس قالـت ان المـووت ماظـن يتونـا
واستلمهـا نـازع الارواح روح(ن) مرجهنـه
ثم صاح من التفرق صيحـه اللـي فيـه جنـا
ودق صدره وانطوى من حـر مابـه طيشنـه
كل هذا حال قلـب(ن) مـن خلقـه الله معنـا
الهـمـوم يوكلـنـه والـروابـع ياكـلـنـه
ليـه ادور للسبايـب والسبـب فينـا ومـنـا
النفـوس وماتسـوي واليديـن وماحصـدنـه
لاتوسدنـا الخطايـا نلحـق الشرهـه زمـنـا
ماجزاانـا الا عملـنـا والحقـايـق يثبتـنـه
قلـت اجـرب وش ورانـا بنتسلـى ونتهـنـا
الليالي ماتخالف من طلـب شـي(ن) عطنـه
جاهل(ن) في الغيب واثر الـي يسلينـا طعنـا
مادريـت الا بقلبـي والمحـانـي يردعـنـه
قلت وين ترووح خلك في ضلووعك مرجهنـا
قال مدري مير كن الحـب تـل العـرق كنـه
قلت مخطي قـال ليـه اليـا ذكرنـاه اشتحنـا
وانتبهت وطـاح فكـري للطـواري واخلفنـه
ورحت بسأل بنت حـواء ليـت حنـا ماسألنـا
كان والله مستريح ومخلـف(ن) قلبـي وظنـه
قلت هز العود صفق النـود قـال النـود حنـا
ماذكـر بـه عـود(ن) الا والهبايـب يطرقنـه
قلت في دارك غريب وقال حـول فـي وطنـا
لك محل(ن) في قصور(ن) له سيوف(ن) يحتمنه
قلت اهلنا قـال والله مانعيـب سلـووم اهلنـا
والعفيف من الهـواء مابـه علومـن يحرمنـه
وابتدينـا قصـه السبـع العـجـاف ومللـنـا
كل عـام يمـر يعطينـا مـن اللوعـات فنـه
وافترقنـا مالقينـا مـن يـرد العـلـم عـنـا
غيـر حـب(ن) للهبايـب والـذواري يلعبنـه

منقول
الشاعر
خالد بن مدعث الخرفاني الدوسري