منتديات قبائل شمران الرسمية - اللي انحفر بالقلب ما بضيع

اللي انحفر بالقلب ما بضيع ـ ابدا

وانتي ماشي اتطلع عالقمر يمكن تتذكر شي حلو بحياتك او اجمل لحظة بحياتك يمكن لما تكون لوحدك وتشوفه بنتابك شعور خاص وتحس بدقات قلبك بانه القمر بذكرك بشي .

القمر بذكرك بمشاعر دافيه وقلوب الناس اللي حبيتهم يمكن لانه دايما القمر مقترن

بالمشاعر والحب اللي بقلبك تجاه هدول الناس لكن اهم شي انه القمر شايفنا كلنا

وببتسم بنوره وبستقبل دموعنا..يمكن دمعتك تكون غاليه عليك بس... بترخص

للغاليين..).... حلو الواحد يتخيل لحظاته الحلوة لوحده يتخيل ويشعر بالناس اللي حبهم

بل يستشعر وجودهم في ظل غيابهم بعد ما تكون معهم وبنفسك اتضل معهم للابد لكن

للحظات طويله ما بتعرف عنهم شي ولا بيعرفوا عنك شي ..بكون نفسك تروح لعندهم

تشكرهم وتقبل ايديهم وما تفارقهم ابدا....بتكون تفكر فيهم تتخيل ضحكتهم تضحك

وتبتسم وكانك موجود معهم....تحس بحزنهم تخاف عليهم وتقلق تحزن وتذرف دمعه

خفيفه تذكرك بحنية قلبك تجاههم ومن كتر ما بتحبهم وبتغار عليهم من أي شر

وسوء ...وبتتسائل يا ترى كيفهم وشو اخبارهم معقول احنا موجودين بمخيلتهم

وبفكروا فينا وشاغلين بالهم بالوقت اللي احنا شاغلين بالنا فيهم :)...يمكن اه...يمكن

لا...بس الغاليين بضلو غاليين لانهم اخذو مكانهم بقلوبنا ما بعرف اذا بييجي يوم

وبننساهم او بنمر بازمه قلبيه وبنبدل قلبنا والغاليين بروحو مع هالقلب التعبان

هههه...معقول؟؟؟..:)......اخيرا.....بقولوا "اجمل الاوراق ورقه تكتب فيها لاغلى

الناس..." ممممم يا ترى لو ما في ورق كيف بدنا نكتب وشو بدنا نكتب ...كتبنا كتير

كتير ..وضاعت الورقه شو بدنا نعمل ..ليش ما نخلي قلوبنا عبارة عن ورقه صغيره

ناعمه بيضا وصافيه ...نكتب فيها شو بدنا...ورقه صادقه بمشاعر صادقه بريئة

صافيه ...ورقة نسطر فيها اعجابنا لناس بنعزهم ناس مع لحظاتهم الحلوة ضحكاتهم

افراحهم واحزانهم لكن ناس غاليين يتم "طباعتهم" على هاي الورقه ناس بحلوهم

ومرهم صدقوني في ناس من حلاوتهم بتحطهم عالجرح بطيب...:)..يمكن قلوبنا تطيب

هههه صح؟؟؟ يلا على الاقل الورقه ما راح تضيع لانه اللي انحفر

بالقلب ....نعم...اللي انحفر بالقلب..ما بضيع..:)...صح...؟؟...بسلم عليكم مش قبل ما

اقول انه هاي كلمات غاليه لاناس غاليين على قلبي .

تحياتي لكم زملائي والى من امتلكت روحي وقلبي اقول دير بالك على نورك يا..

قمر...لاني بحبك .

تحياتي وحبي