منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   الضحك والفرفشة (http://vb.shmran.net/forumdisplay.php?f=66)
-   -   مقالب شباب . (http://vb.shmran.net/showthread.php?t=35801)

ALSEF 07-10-2012 10:20 AM

مقالب شباب .
 

هذي قصة شباب سووا مقلب في خويهم شوفوا وش صار

يحكى ان فيه

ثلاثة أصحاب كانوا مسافرين بالسيارة

وكان خويهم

اللي راكب بالمرتبة الخلفية نايم
وهو من عادته اذا نام ماعاد يحس بشئ يعني نومه ثقيل
عاد الاثنين اللي

كانوا راكبين قدام قرروا يسوون فيه مقلب
بعد التفكير وقفوا عند محطه مهجورة على الطريق وكان الوقت تقريبا نص الليل وقالوا بنتركه هنا ونروح ونخليه


يوم نزلوه وحطوه على الأرض تلفتوا من حولهم ولقوا صندوق كبير يشبه التابوت


هنا قرروا يغيرون الخطة جابوا ذا التابوت وحطوا خويهم فيه بعد مالفوا جسمه بلحاف ابيض زي الكفن

وهم الاثنين تلثموا وغطوا وجوههم عشان مايعرفهم خويهم

بعد ماحطوه بالتابوت وغطوا وجوههم بدأوا يضربونه بشده لين قعد من النوم

عاد هو قام من النوم وهو مفجوع قام واحد منهم

ضربه على رأسه وقال له: من ربك؟

قال: الله

جا الثاني وضربه على رأسه وقال له: ماهو دينك؟

جاوب المسكين وقال: الإسلام

عاد اصحابه للحين ماسكين انفسهم لايتفجرون من الضحك لان خويهم كان خايف ومرتبك ووجهه متلون

يعني شكله يضحك

قام واحد منهم وضربه كف على وجهه خلا رأسه يفر

وقال له: من نبيك؟

عاد هنا خويهم ناظر باللي ضربه وقال :

ياخي لاتضرب باقول لكم كل شئ اعرفه.

بها اللحظة اصحابه ماتحملوا الموقف وانفجروا ضحك وشالوا اللثام عن وجوههم وعرف انه مقلب ونزل فيهم ضرب
ــــــــــــــــــــــــــــــ ــــــــــــــــــــ ــــــــــــــــــــــــــــــ ــــــــــــــــــــ

‏مجموعه شباب طالعين للبر معهم واحد (خوااااااااااف) بغوا ربعه يصلحون فيه ‏مقلب يوم جت حزة النوم

حطوا في فراشه عقرب محنط...

‏يوم جا ينام قرصه واحد ‏من العيال في رجله وصرخ الخواف :ااااااااه وش ذا ؟؟؟ قالوا خوياه...ياويلك ‏يافلان عقرب تبي تموتك..

وصدق المسكين وقال:ااااااااه السم بدأيسري بجسمي..قالوا ‏يالله للمستشفى قبل لا تموت...

وهو يصرخ اااااااااه ااااااااه السم وصل نص ‏سااااااااااااقي ( خرااااااااااااط )

يوم انتصف الطريق قال:اااااااااه السم ‏وصل نص بطني(كذووووووووووب) وهم يقولون له تصبر تصبر ....

ويوم وصلوا الشله للمستشفى ‏وهوا يصيح...يا شباااب ساعدوني انا بأموت..اشهد ان لا اله الا الله..وان محمد رسول ‏الله..

وفي هذي اللحظة..ماقدروا الشباب يكتمون ضحكاتهم وهم يقولون له :قم يانصااب ‏مافيك الا العافيه..

ههههههههههههههههههههههههههه
ــــــــــــــــــــــــــــــ ــــــــــــــــــــ ــــــــــــــــــــــــــــــ ــــــــــــــــــــ ــــــــ


ان شاء الله تعجبكم

التوقيع : http://im9.gulfup.com/2011-08-12/1313182408362.bmp


محمد مزهر 08-25-2012 09:06 PM

رد: مقالب شباب . منقول من منتدى ال عامر شمران
 
الله يحفظك حلوه مره


الساعة الآن 08:00 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية