منتديات قبائل شمران الرسمية - أبنصحك عن خايبين المجاليس

- المنقولات الأدبية (http://vb.shmran.net/forumdisplay.php?f=153)

- - أبنصحك عن خايبين المجاليس (http://vb.shmran.net/showthread.php?t=58317)

أبنصحك عن خايبين المجاليس

أبنصحك عن خايبين المجاليس
عاشر حكيم الراي والنذل خلــــه

رَجلً ليا جيته هروجه مفاليس
ورَجلً ليا جيته أبَد ما تملــــه

ورَجلً إذا شفته تعوّذ من ابليس
ورَجلً تشوف بوجهه الخير كلــــه

ورَجلٍ يعكر دنيّته بالدنافيس
ورَجلً به الأيام عَيّت تحلــــه

ورَجلٍ يهدم دنيته بالوساويس
ورَجلً يعَقد الرّاي ورَجلً يحلــــه

ورَجلً حياته كل أبوها عواكيس
ورَجلً حياتَه مثل ما قِيل : فَلّــــه

ورَجلً كلامه مثل ضرب الدبابيس
ورَجلً كلامه مآ يجي فيه زَلــــه

ورَجلً لاجل رَبعه يجيب النواميس
ورَجلً يجيب الكآرثه والمذلــــه

ورَجلً يصرّ المال في داخل الكيس
ورَجلً على المحتاج ماله يهلّـــه

هذي وصايف قلتها لك بتقييس
وانت الفهيم . وكل دربً تدلــــه

لو الفقر ضـيفٍ ،، وحنا معازيب
يا مرحبا بالفقر ، دقه وجلــــه

الفقر ماهو عيب تدري وش العيب
أنك غني والبيت محدٍ يدلــــه

سعد بن جدلان رحمه الله