منتديات قبائل شمران الرسمية - الصبر طوى من ضلوعي خيامه

الشوق تعبت في دروبك خطاويه
والليل تضوي نار همي ظلامه
والحزن يارد جم دمعي ويرويه
وان زاد كفيته براس العمامه
هذي علوم القلب لن كنت ناسيه
راحت سنينه في غيابك عدامه
ان غبت همي ثقل سلمى وواديه
وان جيت احسه مثل ريش النعامه
هاك الخفوق اللي جروحك مواريه
اخنى عليه الوقت والبعد ضامه
يسرح على ذكراك والياس يضويه
والهم سرجه والحسايف لجامه
من عقب ماكانت علومك تغذيه
اليوم جاع ولا بقى الا عظامه
ياويل حالي من غيابك وتاليه
والصبر طوى من ضلوعي خيامه
مثلي شلحه البعد والشوق يكسيه
وراحت سنينه في عذاب وندامه
في بحر حبه تاه واخلف مراسيه
واليوم يبحث عن جزيرة غرامه
يوسف الشمراني