ياهاجس اشعاري
 

ياهاجس اشعاري لك ايام مفقـود
وين انت عني مختفـي يارفيقـي

اول تسلينـي ليـاهبـت النـود
وتطفي لياشبت بجوفـي حريقـي

يسعد مساك بنفحة المسك والعود
يامبعدٍ عن خاطري كل ضيقي

تعال واسكب ماتيسر مـن الفـود
من بوح فكري هات حلو الرحيقي

هات الكلام الزين من غير منقـود
احفظ مجالك وانت حرٍ طليقي

دايم تسولف لي وش حكاية الجود
واقول ماتقـدر تغيـر طريقـي

عن ماجرى ياطيش الايام مردود
ويلاه ياجرحٍ بقلبـي عميقـي

من بعد عشرين السعد جفت عدود
واعتاد جفني للسهـر ياصديقـي

للوجد للحرمان للنقـص للـزود
للطيب يادرب الـردا مـاتطيقـي

لولاي احسب للشكـالات والكـود
ماخذ حساب التايهـه واللحيقـي

الناس تفهم وضح الافكار والسود
وراع الشبب يشبع جياع الفريقـي

والكلمة اللي تفرق ذياب وفهـود
اصد عنهـا دامهـا مـاتليقـي

يوم الحقايق صارت اليوم بحـدود
موت الحرامي مثل موت الغريقـي

يالادمي دنياك لـو انهـا سهـود
لازم عليك ايـام بقعـاء تويقـي

صل الصلاة بوقتها لخيـر معبـود
ينجيك لامنه نشـف كـل ريقـي

خذ مؤجز النشره بلا قيـد وقيـود
من شاعرٍ يحسب خويه شقيقي

ولو هاجس اشعاري له ايام ويعود
ما يرجع ايـام السعـد يارفيقـي


نهير النمشي

رد: ياهاحس اشعاري
 

رد: ياهاحس اشعاري
 

رد: ياهاحس اشعاري
 

رد: ياهاحس اشعاري
 

رد: ياهاحس اشعاري
 

ألاخت الغاليه أنفاس الحب
أشكرك جزيل الشكر لتعقيبك
كل الموده والتقدير لاعدمتك

رد: ياهاحس اشعاري
 

أخي الغالي فتى بلاد شمران
أشكرك جزيل الشكر لتعقيبك
كل الموده والتقدير لاعدمتك

رد: ياهاحس اشعاري
 

الغالية شذى الياسمين
شكرا لك على تعقيبك
كل الموده والتقدير لاعدمتك

رد: ياهاحس اشعاري
 

أرحب اخي الغالي فيصل الحربي
شكرا لك على تعقيبك الرائع
كل الموده والتقدير لاعدمتك

رد: ياهاحس اشعاري