منتديات قبائل شمران الرسمية - قلبي واحاسيسي وماجـاك يفـداك

أشفق على شوفك وهرجك ولامـاك
واذكر ويمنعني لاجيـك الوداعـي
مايحتمل قلبـي وداعـك وفرقـاك
والحزن والعبره وكسـر الشعاعـي
ولايحتمـل كثـرة تنهـدك وبكـاك
اخاف يقدرنـي واجيـك متداعـي
ثم اتسبب فـي مشا كلـك وابـلاك
ويضيع مستقبل حياتـك ضياعـي
ويضيق بي ثوبي وتشمت بك اعداك
واندم علـى تصر فـي واندفاعـي
هذي سبايب صدتـي يـوم تخفـاك
هذي سبايـب غيبتـي وانقطاعـي
والا الغلا غالـي ومغليـك مـولاك
غلاك فـوق القـدر والمستطاعـي
سخرت لك طرفي وحرفي والاباك
وارخصت شيٍ بالذهـب مايباعـي
قلبي واحاسيسي وماجـاك يفـداك
تستاهله وانت الحشيـم المطاعـي
ويستاهله عنقك وسمحـة محيّـاك
وتستاهله خرس العيون الوساعـي
وتستاهله من شعر راسك لماطـاك
مااشوف للتفصيل والوصف داعـي
حيث انني لو اجتهد فـي مزايـاك
لايمكن احصيها بشتـى المساعـي
لايمكن احصيها ولايمكـن انسـاك
هذي حقيقـة موقفـي وانطباعـي
ولاعاد تنشدنـي ولاعـاد يخفـاك
اسباب عنكـم غيبتـي وانقطاعـي