منتديات قبائل شمران الرسمية - حكاية عطر ... لقلوبكم

السلام عليكم ورحمة الله

وكل عام وانتم بخير

اقدم لكم جديدي واتمنى ان ينال رضاكم وان يرتقي الى ذائقتكم العذبة

حكاية عطر

عنـدي حكـايـة يـاعـرب فأسمعـونـي
فيـهـا دروس وتكتسـيـهـا الفـنـونـي
صوغتـهـا حـتــى تـوافــق ظـنـونـي
والبستـهـا فـكـري ومـنـهـا تـهـنـون

يــوم الأحد(بالهايبـر)جـيـت طـرقــي
الـجــو زحـمــه والمخـالـيـق فـرقــي
كـنـي وحـيـدٍ بينـهـم اصــل شـرقــي
ثوب وشماغ ومثلمـا انتـم تشوفـون

كـان الهـدف جولـه معـاهـم سريـعـه
اشوف حـال السـوق واشلـون بيعـه
وبغيت عطـر ن مـن فرنسـا صنيعـه
قلـت السـلام وردوا اللـي محيـطـون

قـرب علي(فادي)حلـيـوه وممـشـوق
جاني ايتمايل في تصنـع مـن الـذوق
قلت اشبلاك اتميل لا يكون بك عوق
وقــال تأبـرنـي ولاك هـيـك بـتـمـون

قلـت اشكـرك بغـيـت عـطـر فرنـسـي
مـن ماركـة دنـهـل ولـلـروح ينـسـي
اذكـر شـذاه بخاطـري يــوم عـرسـي
ثــم غلّـفـه بـهـديـه لـلــي يـمـونـون

فجـأة احضـروا اربـع بـنـات صبـايـا
لديـت فيهـن قلـت واش ذي الحـلايـا
فـي لبـسٍ اسـود بـس ماهـي ابعبايـا
مخـصـرات ن مـثــل نـحــل يـزنــون

جـوا كاشـفـاتٍ ظنـهـم ديــرة الـشـام
يـادوب شيلـه مالـهـا انـقـاب ولـثـام
الا وهــم بالـحـكـي (لبـيـه)و(سـلام)
يعـنـي جنوبـيـه سوالـيـف يـحـكـون

مــن شافـهـن فــادي تـركـنـي وروح
فـي ميلـتـه ورمــوش عيـنـه تـلـوح
يعنـي تعـالـوا واتـركـوا ذا المـشـوح
ناديت يافـادي علـى ويـن واشلـون؟

وقــال (تأبـرنـي شـويــات واجـيــك)
وجـيـت طـالـع ثــم نـادانــي يـابـيـك
طالـعـت يـمـه ثـــم ردت انـــا ابـيــك
قالت مسـاء الخيـر ياصـاح والعـون

رديــت مـرحـا يـــا جـمـيـل المـحـيـا
اهـــلا هـلابــك مـــن هــنــا لـلـثـريـا
ورجـعـت فــي حـيـرة انـاظــر كـذيــا
وقـام العـرق مـن وجنتينـي يصبـون

ثــم اقبـلـت يـمــي تـنــازع خـطـاهـا
متمايـلـه/يـعـنـى ذبـحــهــا حـيــاهــا
وعطـرهـا غـطـى مـسـاحـة فـضـاهـا
حتـى كساهـا مـن الدلـع مـا تمـنـون

لمـا اقربـت قـالـت عـلامـك تخـوفـت
صـدق ابحلانـا مـا رأيتـه ولا شـفـت
لكـن يميـن الله مــن شوفـتـك عـفـت
اللـي يبيـعـوا والــذي بـعـد يـشـرون

قلـت العفـو بالله مــن ويــن مـربـاك
يــا جعلـنـي فـــدوة لأمـــك ولأبـــاك
انتـي الحـلا والطيـب نبعـه شفـايـاك
بـس اسألـك بالله مـن ويـن تلـفـون

قـالــت انا/مـربـايـه أبـهــا الـجـديـدة
الـجــو راهـــي /والـحـيـاة الـرغـيـدة
بــس الصـراحـة مــا اظـنـي سعـيـدة
لا روح تسكـنـي ولا شــوق مفـتـون

اشـوف فـيـك تـكـون احــلام روحــي
عسـى تشافـا مـن وصالـك جروحـي
ومعـك احقـق مابقـى مــن طمـوحـي
واللي تبيـه يصيـر لـو كـان مايكـون

قـلــت السـمـوحـة يابـنـيـة عـلامــك
شلتـي حجابـك والحيـاء واحتـرامـك
سمـعـي وبـاقـلـك سـبـايـب سـقـامـك
حتـى تـعـودي لأهـلـك الـلـي يـربـون

انـا تهامـي مـا اعــرف آلــف وادور
اللـي بقلـي واقـفٍ لـي عـلـى الــزور
يميـن مـا اجاملـك واكــون مشـكـور
لــو تتركيـنـي فالـغـوالـي يـوصــون

المشكلـة مـا انتـي غشيـمـة بدنـيـاك
والناس حولك يطلبوا الـود ورضـاك
بــس اسمـعـي ولا تـغــرك حـلايــاك
تــرى حيـاتـك ظــل فـيـهـا يتـفـيـون

شـلـتـي حـجـابـك يابـنـيـة وهـمـتــي
وعن الخطايـا مـا اظـن يـوم صمتـي
بالله مــن عيشـتـك مـاقـد سأمـتـي.؟
يـا بنـت عـودي للـذي خالـق الكـون

ان كــان لــك رغـبـة بعيـشـه هنـيـه
فــي جـنـة فـيـهـا قـطــوف ن دنـيــة
بِـكـر وجمـالـك مـــا تـجـيـه المـنـيـة
خافي من اللي امره بكـاف ن ونـون

غطي على وجهـك وصونـي جمالـك
وعبايتـك مــن فــوق راســك دلالــك
ولا يـشـوفـك كـــود مـنـهـو حـلالــك
امــا البقـيـة يــا اوخـيــه فيـخـسـون

امـا انـا /مـالـي بـمـا انـتـى تريـديـن
عنـدي مـلاك ن ياللـذي لـي تنـاديـن
حليلـتـي وكمالـهـا الحـسـن والـديـن
احـبـهـا وامـــوت فـيـهـا وتـبـطــون

مـن بيـت حشمـة وتربيتهـا حشيمـه
الـديـن والتـقـوى ســـلاح وغنـيـمـة
فـــي بـيـتـهـا بعـفـافـهـا مستـقـيـمـة
مـحـفـوظـة وجـمـالـهـا در مـكـنــون

مـا شفتهـا حـتـى حضـرنـا وخطبـنـا
وبشـوف شـرع الله عشقـنـا وكتبـنـا
والـحـمـد لله مـــن غـلاهــا كـسـبـنـا
رضا الكريـم وقلـب شفقـان وحنـون

قالـت علامـك صــرت كـنـك مـطـوع
هــذا وهــو شكـلـك ياويـلـي مــروع
مـا بـك جمـال وكـل شـئ بـك يـلـوع
هذا وانا في عينها كنـت مزيـون..!!

قلـت اسمعـي يابنـت روحـي بحـالـك
مـالـك مـعـي سـكـة ومـالـي ومـالـك
هــذه اجـابـة عاجـلـه عــن سـؤالــك
قالت عنيـد وفيـك مـس ن ومجنـون

لـكـن ذا رقـمـي واذا طــاب خـاطـرك
تشفق على اللي من حضرنا يناظرك
وابيـك تسمحـلـي واهـديـك عـاطـرك
يبقى معك ذكرى وتحسن بي ظنـون

نــادت عـلـى فــادي تـعــالا لـويـنـوا
طلـبـت غـرشـة عـطـر لامبارغيـنـوا
للشيـخ يحملـهـا مـعـه فــي سنيـنـوا
عـسـاه يذكـرنـا وبالطـيـب يـدعــون

وقـــال لعـيـونـك / وكـبّــس بـعـيـنـه
وانـا اتنافـض وامسـكـه مــن يديـنـه
واجـيـه بمخـمـس عـلـى صادغـيـنـه
واصحى على شـدة الـم كـف ملعـون

وانـا اتربـع وامسـك الكـف واحـيـس
وانفث ثلاث في يساري على ابليـس
واصيح يا ملعون يا نجس ياخسيس
حتى بوسط النوم شرك علـى الكـون

هـذه حكايـة حلـم ومـن الألـم امــس
راجعـت للدكتـور وبخاطـري عـبـس
واعـوّد وكفـي ملفلـف فــي الجـبـس
والشـافـي الله والمخـالـيـق يـقــرون

هـــذا وصــــلاة الله تـغـشــى نـبـيــه
مـحـمـد المـخـتـار هــــادي الـبـريــة
اعــداد مـــا هـلــت علـيـنـا الهـمـيـة
واعــداد مــن وجــه لمـكـه يصـلـون

شعر

احمد المنتشري

بوح القصيد