البدع

مرحبا هيل يامن جا بكل العلوم موثّقات
كنّك النجم في عالي السما كل ياخي ما تبينا
تقدح الشعر من راسك ولا تصرف الا من ذهب
يالسان (ن) برز فيما يقوله وفي قلبه سلامه
مايجي بالردىولاّ ينم الحكي ولاّ يغيب
الليالي سريعه والعقارب على الساعه تفر
وسكرة الموت بين الناس يا راعي الحكمه تدارا
ثبت الله قولي عند منكر ولا جاني نكير
وانك اتجيرني ياخالقي في نهار الظيلمات
وانك اتعيذني ياربنا في نهار الظيلميه
واني ما اكون عاجز في الشهاده ولا موّال انا
يالله اسالك التوفيق في كل خير وما انسمي
ومايجي في عباداتك دقايق قصور ومنسميّه
لين اجي جنة الفردوس وانعم بها وانسامها
ادعي الله يرحمني اذا رامني والوقت دار
واني اتوب من ذنبي ولا اعيش في ذنبي واغالي
واني اصبح من اهل الجنه الباقيه واعلامها


الرد

ياسعد بشتكي لك وانت من ربعنا ومن الثّقات
من عزيز(ن) تركني لين صارت عيونه ما تبينا
وانت تعرفني اسمى في فعولي ولا اطرد من ذهب
صرت ما اسمع علومه وانقطع ياسعد عنّا سلامه
وانا ماكنت اظن انه بيقوى الجفا ولا يغيب
والسعاده بديت اشوفها من معاليقي تفر
لين غاب الفرح عني بجلّه وفي لحظه تدارى
وبعد ماكنت انا وياه نمشي سوا جاني نكير
حسبي الله على راعي المشاكل وراعي الظيلمات
اللي خلا عيونه ماتشوف وظنونه ظيلميه
وانا كم قلت له عوّد ونرجع على موّالنا
غير جنبني وجتني خناجره وعلى منسمي
لين ماصار في روحي بقايا عروق(ن) منسميّه
والسعاده بعيده مااشتراها (علي) وان سامها
للحبيّب بقلبي يارفيقي معزه واقتدار
سنّد العلم للغالي وقله تراه انسان غالي
واعطه العلم واستعجل بجيّتك لي واعلامها