هد الحزن طيره
يامن ليوسف ليا هد الحزن طيره يسامر سهيل والونه ورى الونه والقلب فيه الحزن يغرس مساميره وبعير صبره يرد الحنه بحنه والدمع لو شح ما تقبل معاذيره دمع المحبه سوات الفرض والسنه والشوق تسري مع الهاجس طوابيره يهقى وكل الهقاوي ماتعدنه الهم نوخ ركابه يالله الخيره وانا احسب انه يسن الركب ويعنه انا اشهد ان العشق هذي مقاديره من حر ضلعي عليه تحومس البنه وليفي اللي نزيه العرض والسيره جاني على ظنتي وانا على ظنه اضمى ولا لي روى ياكود من بيره ولا شفاته ليا ضحوك لي بسنه اللي عطاني صدوق الود والغيره والحب مدت يمينه مابها منه مثله يموت الخفوق ولاهوى غيره لو كان راح العمر في حسره وكنه |
رد: هد الحزن طيره
صح لسانك ويعطيك العافية
|
رد: هد الحزن طيره
صح لسآنك .. كلمآت رآئعة
الله يعطيك آلعآفية لك خآلص آلشكر وآلتقدير : أميـرة آلــورد |
رد: هد الحزن طيره
الشاعر-يوسف الشمراني
حضورك المشرف بكل نص أجده يعانق الفكر والاحساس والذائقة الشعرية .. لله در هذا الفكر النيّر- لاهنت @جاهله@ |
الساعة الآن 08:18 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية